Schwäbischs Donaumoos
S Schwäbisch Donaumoos isch e Deil vum Donauried un eis vu dr greschte Naturschutzgebiet vu Bayern. S lyt zwische Ulm un Gundelfinge. Ass mer s besser cha unterscheide vum bekanntere Donaumoos sidlig vu Ingolstadt wird s Schwäbischs Donaumoos gnännt, im Dialäkt heißt aber eifach "Moos".
Voreb s im 19. Johrhundert zem greschte Deil drucke gleit woren isch, isch s e risig Moor- un Sumpfgebiet gsi, wu bis hite – gferderet dur Renaturierigsmaßnahme – e großi Artevilfalt in dr Dier- un Pflanzewält bewahrt het. Näbe sältene Dierer wie Kiebitz un Brochvegel het s au as Bsunderheit e Bruetbäärli vum Kranich. S Fychtgebiet isch au ne wichtige Nahrigsliferant fir Wyßstorche, wu z Bächinge un z Gundelfinge bruetle.
D Deilgebiet Gundelfinger Moos, Sophieried un Langenauer Ried sind bsundersch naturnoch un do het s vil sälteni Dierer un Pflanze, wu typisch sin fir Fychtgebiet. Derzue biete d Flachwasserzone dert vor allem im Friejohr un im Spotjohr e ideale Raschtplatz fir Zugvegel. In däre Zyt trifft mer dert vilmol e groß Aazahl Silberreigel un Wildgäns aa, wu sich uf dr Fälder in dr Nechi vu dr Gwässer niderleen.
E wichtige Deil zum Naturschutz trait d Arbetsgmeinschaft Schwäbischs Donaumoos e. V. byy, wu anne 2000 z Bächinge e Museum iber s schwäbisch Donautal ufgmacht het, s "mooseum - Forum Schwäbischs Donaudal".
Ort in dr Umgäbig
[ändere | Quälltäxt bearbeite]z Bade-Wirttebärg:
- Asselfinga
- Langenau
- Niderstotzinga mit Oberstotzinga
- Ramminga
- Soda
z Bayern:
- Bächna
- Gondelfenga
- Genzburg mit Riadhausa
- Loipe mit Riedheim und Weißingen
- Unterelchingen (ghert zue Elchinge)
Kulturruum
[ändere | Quälltäxt bearbeite]Au vu dr Kultur här git s rund um s Schwäbisch Donaumoos e baar Bsunderheite:
- Chloschter Elchinge
- Historischi Altstadt un Heimetmuseum z Loipe
- Historischi Altstadt un Frauechilche z Genzburg
- Barocki Pfarrchilche St. Martin z Oberstotzinge
- Romanischi Basilika un Schloss z Brenz
- Chloschter Obermedlinge
- Remische Tempel z Faiminge
Weblink
[ändere | Quälltäxt bearbeite]Koordinate: 48° 30′ 30,8″ N, 10° 18′ 40,5″ O
|
Dä Artikel basiert uff ere fräie Übersetzig vum Artikel „Schwäbisches_Donaumoos“ vu de dütsche Wikipedia. E Liste vu de Autore un Versione isch do z finde. |