Sara Bachmann

D’ Sara Bachmann (* 23. Juni 1979 z Luzärn) isch en Schwizer Moderatorin und Videojournalischtin bi de Sändig «Aktuell» vo de beide Sänder Tele Tell (Innerschwiiz) und Tele M1 (Mittelland). Usserdäm isch si d'Hauptperson vo dr Sändig «Sara macht's».

Usbildig

D'Sara Bachmann hätt 1999 ihri Kaufmännisch Lehr mit Bruefsmatura bi de Luzärner Kantonalbank abgschlosse. Denah het si no eineinhalb Jahr als Bankangschtellti gschaffet.

Im Johr 2001 hätt si es Volontariat als Videojournalischtin bi de Privatsänder Tele M1 & TeleTell überchoo. Drü Jahr schpöter hät d'Sara als Noochrichte-Moderatorin für d'Sändig «Aktuell» uf Tele M1 & TeleTell gschaffet.

Arbet

Sie isch bi Tele Tell Videojournalischtin und Moderatorin vo de Sändig «Aktuell», näbe de Maureen Bailo, de Christine Zehnder und früher au näbe de Silvi Herzog gsi.

Sara machts: Dr Schnett vo dr Sendig duured öppe 2-4 Täg.

I ihrere eigne Sändig «Sara macht’s» gahts einersiits drum, dass sie vor de Kamera luuter meh oder weniger uusgefallni Sache macht (Duett mit em Chünig vo Meiorca, em Jürgen Drews; Bodypainting; Fallschirmspringe), anderersiits wird mit eme Gascht diskutiert.

Engagements

Wil si sich nid für de universitäri Wäg entschide het, sondern en Bruefslehr gmacht het, isch d'Bachmann Repräsentantin vom Aargauer Projekt «Vitamin L - Ausbildungspower» worde (näbet em Rocco Cipriano, de Christine Zehnder, em «Mister Schweiz 2004» und anderne) Ds Projekt söll d'Bruefslehr schterke, d'Schaffig vo Lehrschtelle fördere und ufzeige, dass au en Lehr zum Erfolg füehre cha. Die Bruefslehr isch i de Schwiiz zwar rächt aagseh, doch es herrscht Lehrschtellemangel.

Verlinkige