Rupert Grint

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Personedate
Dr Rupert Grint no dr Premiere vu Harry Potter and the Order of Phoenix z Toronto
Dr Rupert Grint no dr Premiere vu Harry Potter and the Order of Phoenix z Toronto
Geburtsname: Rupert Lloyd Alexander Grint
Geburtsdatum: 24. Augschte 1988
Bruef: Schauspiiler
aktivi Johr: 2001 bis hüt
Eltere: Nigel Grint un Joanne Grint geb. Parsons
Website: Änglischi Fansyte

Dr Rupert Lloyd Alexander Grint (* 24. Augschte 1988 z Stevenage, Hertfordshire) isch e britische Schauspiiler. Är isch bekannt wore dur Darstellig vum Ron Weasley in dr Verfilmige vu dr Harry-Potter-Roman.

Biografi[ändere | Quälltäxt bearbeite]

Dr Grint isch anne 1988 z Stevenage, Hertfordshire, uf d Wält chuu as Suhn vum Souvenirhändler Nigel Grint un dr Huusfrau Joanne Grint geb. Parsons. Är het vier jingeri Gschwischter, e Brueder mit Name James un drej Schweschtere, Georgina, Samantha un Charlotte. Scho ase jung het dr Grint in dr Schuel un mit ere lokale Amateurgruppe Theater gspiilt.

As große Fan vu dr Harry-Potter-Roman het sich dr Grint mit elf Johr ohni Filmerfahrig mit eme Video, wun er e sälber gschribe Lied rappt, fir d Rolle vum Ron Weasley in dr Verfilmig vum erschte Roman Harry Potter und der Stein der Weisen. Dr groß Erfolg vu däm Film het derzue gfiert, ass dr Grint wie syyni beide Schauspiilkollege Daniel Radcliffe (spiilt dr Harry Potter) un Emma Watson (spiilt d Hermine Granger) wältbekannt woren isch. Dr Grint sälber sait iber sich, ass är un syyni Filmfigur Ron Weasley sich in vile Pinkt ähnli sin – as Byschpel fiert er di rote Hoor, d Angscht vor Spinnobele un syy großi Familie aa[1]

2002 isch er in dr britische Komödie Thunderpants näb em Simon Callow un em Stephen Fry as ibermietige junge Brofässer Alan A. Allen z sähne. Derno het er sich wider Hogwarts gwidmet un het d Harry-Potter-Furtsetzige Harry Potter und die Kammer des Schreckens (2002), Harry Potter und der Gefangene von Askaban (2004) un Harry Potter und der Feuerkelch (2005) drillt. Derno isch er im Film Unterwegs mit Evie mit dr Julie Walters un dr Laura Linney vor dr Kamera gstande. 2007 isch er in dr fimfte Harry-Potter-Verfilmig Harry Potter und der Orden des Phönix z säh gsi, 2008 het er dr Cherry Bomb drillt.

Zurzyt zellt dr Grint noch em amerikanische Forbes Magazine zue dr Jungschauspiiler z Hollywood, wu am beschte verdiene. Zwische Juni 2007 un Juni 2008 het er Gasche in Hechi vu 5 Mio. US-Dollar iberchuu un isch zämme mit dr Amerikaneri Hilary Duff hinter em Daniel Radcliffe, dr Miley Cyrus, Mary-Kate un Ashley Olsen, der Jonas Brothers, Zac Efron, dr Ashley Tisdale un dr Emma Watson uf Blatz acht gsi.[2]

Anne 2004 het dr Grint d Richard Hale School mit em General Certificate of Secondary Education abgschlosse,

2009 het er sich no Mediebricht mit em Virus H1N1 aagsteckt, au as Schwyynegrippe bekannt. Wel s aber nume ne lindi Variante vu dr Infektion gsi isch, het er, wun er wider gsund gsi sich, an dr Premiere vu Harry Potter und der Halbblutprinz z London chenne deilneh.[3]

Filmografi[ändere | Quälltäxt bearbeite]

  • 2001: Harry Potter und der Stein der Weisen (Harry Potter and the Philosopher's Stone)
  • 2002: Thunderpants
  • 2002: Harry Potter und die Kammer des Schreckens (Harry Potter and the Chamber of Secrets)
  • 2004: Harry Potter und der Gefangene von Askaban (Harry Potter and Prisoner of Azkaban)
  • 2005: Harry Potter und der Feuerkelch (Harry Potter and the Goblet of Fire)
  • 2006: Unterwegs mit Evie (Driving Lessons)
  • 2007: Harry Potter und der Orden des Phönix (Harry Potter and the Order of the Phoenix)
  • 2009: Harry Potter und der Halbblutprinz (Harry Potter and the Half-Blood Prince)
  • 2009: Cherrybomb (Cherrybomb)
  • 2009: Wild Target (Wild Target)
  • 2010: Harry Potter und die Heiligtümer des Todes: Teil 1 ( Harry Potter and the Deathley Hallows: Part I)
  • 2011: Harry Potter und die Heiligtümer des Todes: Teil 2 ( Harry Potter and the Deathley Hallows: Part II)

Uuszeichnige un Nominierige[ändere | Quälltäxt bearbeite]

Abdruck vu dr Händ, Fieß un Zauberstäcke vu dr Emma Watson, em Daniel Radcliffe un em Rupert Grint vor em Grauman’s Chinese Theatre
  • 2002: Empire Award as Beschts Debüt (nominiert)
  • 2002: Young Artist Award as meischtversprächende Newcomer
  • 2002: Special Achievement Golden Satellite Award as ußergwehnligs, jungs Talent
  • 2007: National Movie Award al Beschte Männlige Darstellung (nominiert)
  • 2009: Scream Award fir Beschte Näbedarsteller (nominiert)
  • 2010: People's Choice Award fir Beschts On Screen Team (nominiert)
  • 2010: Bravo Otto as Film Star

Im Juli 2007 hän si dr Rupert Grint, dr Emma Watson un dr Daniel Radcliffe zämme mit Abdruck vu ihre Händ, Fieß un Zaubwerstäcke vor em Grauman’s Chinese Theatre z Los Angeles verebigt.[4]

Fueßnote[ändere | Quälltäxt bearbeite]

  1. DVD „Harry Potter und der Feuerkelch“: Interview „Im Gespräch mit den Schauspielern“ uf dr Bonus-DVD
  2. vgl. Johnson, Wesley: Hollywood's Top Earners. Press Association Newsfile, 23. Juli 2008, 4:38 PM BST
  3. news.bbc.co.uk: Harry Potter star 'had swine flu'. Aufgruefen am 5. Juli 2009.
  4. Daniel Radcliffe: Matsch-Hände sind «cool», abgruefen am 24. Februar 2008

Weblink[ändere | Quälltäxt bearbeite]

 Allmänd (Commons): Rupert Grint – Sammlig vo witere Multimediadateie
Dä Artikel basiert uff ere fräie Übersetzig vu dere Version vum Artikel „Rupert_Grint“ vu de dütsche Wikipedia.

E Liste vu de Autore un Versione isch do z finde.