Emma Watson

Us der alemannische Wikipedia, der freie Dialäkt-Enzyklopedy

D Emma Watson isch e englischi Schauspilerin. Ihre vollständig Name isch Emma Charlotte Duerre Watson. Sie spilt d Hermione Granger (dt. Hermine Granger) i de Harry-Potter-Film.

Inhaltsverzeichnis 1 Biografi 1.1 Frües Läbe 1.2 Harry Potter 1.3 Anderi Role 1.4 Anders 2 Filmografi 3 Uszeichnige und Nominierige 3.1 Uszeichnige 3.2 Nominierige

[ändere] Biografi

[ändere] Frües Läbe

Sie isch am 15. April 1990 z Paris uf d Wält cho. Det het sie au di erste 5 Jahr vo ihrem Läbe verbracht. Si het en französischi Grossmueter. 1995 isch si denn mit ihrere Muetter Jaqueline und ihrem 3 Johr jüngere Brüeder Alex nach Oxford zoge, will sich ihre Vater (Chris) und ihri Muetter, beidi Ahwält, scheide lo hend. Ihre Vater isch denn uf London zoge. Sie lebd bis hüt in Oxford.

Ide Dragon School het d Emma s erschte Mal ihres schauspielerische Könne zeigt. Bevor sie dur d Harry Potter Film id Kino cho isch het sie i mehrere Uffüerige im Schueltheater d Hauptrolle gspilt. Wo sie sibni gsi isch het sie ihre erschti Priis gwune, bimene Gedichtvortragswettbewerb.

Vor de Harry Potter Verfilmige het si no bi keim professionelle Film mitgspilt gha.

[ändere] Harry Potter

Wo si nüni gsi isch het ihre Theaterlehrer si zum Casting vo Harry Potter und de Stei vo de Weise agmeldet, will er ihres grosse Potential gseh het. Si hed sich denn au duregsetzt und d Rolle vo de Hermione Granger übercho.

Im Johr 2000 wo si zähni gsi isch het sie mit de Dreharbeite zum erschte Harry Potter agfange. A ihrem erste Tag am Set isch si sehr nervös gsi. Nachdem de ersti Film is Kino cho isch und sehr grosse Erfolg gha het, sind die drüü Hauptdarschteller, d Emma Watson (Hermione Granger), de Daniel Radcliffe (Harry Potter) und de Rupert Grint (Ron Weasly) zu Weltstars worde.

Zwüsched 2001 und 2007 het sie au bi de Dreharbeite vo de andere bis jetzt verfilmte Bänd 1-5 vo de Harry Potter Büecher d Rolle vo de Hermine Granger gspilt. Mit dene Film isch sie no bekannter worde.

Mitlerwile (Stand: Summer 2009) isch sie mit Dreharbeite zum sibte Harry Potter Film, wo si widerum d Hermione spilt, beschäftigt. De Film Harry Potter und de Halbbluet Prinz isch im Juli 2009 in d Kinos cho.

Planmässig sötte 2010 bzw. 2011 denn di beide Teil vom Film iber de sibt Harry Potter-Band usecho.

[ändere] Anderi Role

Sie het im Johr 2007 eini vo de Hauptrolle, d Pauline Fossil, ide Verfilmig vo Ballet Shoes gspilt. Ballet Shoes isch es Drama wo über d Wienachte uf BBC zeigt worde isch. Es isch de erschti nöd Harry Potter Film wo si mitgspilt hed.

Im Dezember 2008 isch de Trickfilm The Tale of Despereaux usecho. Dete het si de Prinzässin Pea iri Stimm gä.

[ändere] Anders

Sit Mitti 2007 isch sie au di neu Werbefigur vo Chanel.

[ändere] Filmografi

• 2001 Harry Potter and the Philosopher’s Stone (Harry Potter und der Stein der Weisen) als Hermione Granger
• 2002 Harry Potter and the Chamber of Secrets (Harry Potter und die Kammer des Schreckens) als Hermione Granger
• 2004 Harry Potter and the Prisoner of Azkaban (Harry Potter und der Gefangene von Askaban) als Hermione Granger
• 2005 Harry Potter and the Goblet of Fire (Harry Potter und der Feuerkelch) als Hermione Granger
• 2007 Harry Potter and the Order of the Phoenix (Harry Potter und der Orden des Phönix) als Hermione Granger
• 2007 Ballet Shoes als Pauline Fossil
• 2008 The Tale of Despereaux als Prinzässin Pea
• 2009 Harry Potter and the Half-Blood Prince (Harry Potter und der Halbblutprinz) als Hermione Granger
• 2010 Harry Potter and the Deathly Hallows 1 (Harry Potter und die Heiligtümer des Todes 1) als Hermione Granger
• 2011 Harry Potter and the Deathly Hallows 2 (Harry Potter und die Heiligtümer des Todes 2) als Hermione Granger

[ändere] Uszeichnige und Nominierige

[ändere] Uszeichnige

Jaar Organisazion / Uszeichnig / Film

• 2002 Young Artist Awards / Besti Darstellig imene Spielfilm – Hauptdarsteller / Harry Potter und der Stein der Weisen
• 2003 Otto Awards / Silber – Best wiblichi Filmstar / Harry Potter und die Kammer des Schreckens
• 2004 Otto Awards / Silber – Best wiblichi Filmstar / Harry Potter und der Gefangene von Askaban
• 2004 Total Film / Chinder Darstellig vom Jaar / Harry Potter und der Gefangene von Askaban
• 2005 Otto Awards / Gold – Best wiblichi Filmstar / Harry Potter und der Gefangene von Askaban
• 2006 Otto Awards / Bronze – Best wiblichi Filmstar / Harry Potter und der Feuerkelch
• 2007 ITV National Film Awards / Besti wiblichi Darstellig / Harry Potter und der Orden des Phönix
• 2007 UK Nickelodeon Kids' Choice Awards / Besti Filmschauspiilerin / Harry Potter und der Orden des Phönix

[ändere] Nominierige

Jaar Organisation / Uszeichnig / Film

• 2002 Academy of Science Fiction, Fantasy & Horror Films / Saturn Award Harry / Potter und der Stein der Weisen
• 2002 Empire / Empire Award / Harry Potter und der Stein der Weisen
• 2002 American Moviegoer Awards / Herusragendi Nebedarstellerin / Harry Potter und der Stein der Weisen
• 2002 Young Artist Awards / Best Ensemble in Feature Film / Harry Potter und der Stein der Weisen
• 2004 Broadcast Film Critics Association / Besti Jungi Darstellerin / Harry Potter und der Gefangene von Askaban
• 2005 Broadcast Film Critics Association / Besti Jungi Darstellerin / Harry Potter und der Feuerkelch
• 2006 MTV Movie Awards / Best On-Screen Team / Harry Potter und der Feuerkelch