Rudolf Engler

Dr Rudolf Engler (* 25. Oktober 1930 z Tüüffe; † 5. Septämber 2003) isch e Schwiizer Romanischt gsi.

s Lääbe

Dr Engler het z Sanggalle s Gimnasium bsuecht und a dr Uni Bäärn Iteliänisch und Französisch studiert. 1958 het er s Diploom für Gimnasialleerer übercho und 1963 bim Siegfried Heinimann (1917–1996) mit der Arbet Théorie et critique d'un principe saussurien. L'arbitraire du signe s Dokterexaame gmacht. Do drmit het er scho s zäntraale Theema für sys Schaffe gfunde: d Gschicht vo dr strukturelle Linguischtik sid em Ferdinand de Saussure.

Dr Rudolf Engler isch bim Profässer Heinimann Assischtänt am romanischen Inschtitut vo dr Uni Bäärn gsi und het sich anne 1971 habilitert. Vo 1973 bis 1995 isch er Profässer für Romanischi Filology und Algemäini Sproochwüsseschaft z Bäärn gsi, grad öppe zur glyche Zyt wie d Romanischtin Ricarda Liver. Iim sys Forsche het dr Sproochtheory, dr Gschicht vo dr Sproochwüsseschaft un dr Dialäktology ggulte.

Dr Engler het bi dr Schwiizerische Gselschaft für Sproochwüsseschaft und bim Collegium Romanicum mitgmacht und au bim Cercle Ferdinand de Saussure, won er drvo dr Presidänt gsi isch.

Wäärch

• Théorie et critique d'un principe saussurien. L'arbitraire du signe. In: Cahiers Ferdinand de Saussure, 19, 1962, S. 5–66.
• Studien zu Lionardo Salviatis Avvertimenti della lingua sopra'l Decamerone 1584/86. 1971.
• Historiography of Linguistics. Den Haag 1975.
• Zum Sprachbegriff der Berner Philologen. In: Hochschulgeschichte Berns 1528–1984. Bern 1984, S. 299–317.
• Nöiusgaab vom Ferdinand de Saussure sym Cours de linguistique générale. Wiesbaden 1967–1972.
• Lexique de la terminologie saussurienne. Utrecht 1968.
• Saussure und die Romanistik. Bern 1976 .
• Bibliographie sausurienne. In: Cahiers Ferdinand de Saussure. 30, 1976, S. 99–138; 31, 1977, S. 279–306; 33, 1979, S. 80–145; 40, 1986, S. 131–200; 43, 1989, S. 149–275.
• zäme mit dr Ricarda Liver: Siegfried Heinimann, Romanische Literatur- und Fachsprachen in Mittelalter und Renaissance. Beiträge zur Frühgeschichte des Provenzalischen, Französischen, Italalienischen und Rätoromanischen. Wiesbaden 1987.
• zäme mit em René Amacker: Présence de Saussure. Actes du colloque international de Genève (21 – 23 mars 1988). Genf 1990.
• zäme mit em Simon Bouquet: Ferdinand de Saussure. Ecrits de linguistique générale. Paris 2002.

Literatur

• Ricarda Liver, Iwar Werlen, Peter Wunderli (Hrsg.): Sprachtheorie und Theorie der Sprachwissenschaft. Geschichte und Perspektiven. Festschrift für Rudolf Engler zum 60. Geburtstag. Tübingen 1990.
• For Rudolf Engler, Saussure scholar extraordinaire on the occasion of his 70th birthday on 25 October 2000, in: Historiographia linguistica 27, 2/3, S. 198–460.
• Ricarda Liver: Rudolf Engler (1930–2003). In Vox Romanica,62, 2003, S. 356–361.
• Christian Puech: Nécrologie. Rudolf Engler. In: Histoire Épistémologie Langage 25, 2, 2003, S. 3–4.
• Wilfried Kürschner: Linguisten-Handbuch. Tübingen 1994, S. 204–205.