Reuven Rivlin
Dr Reuven „Ruby“ Rivlin (hebräisch ראובן ריבלין, ʁeʔuˈven ʁivˈlin; * 9. Septämber 1939 z Jerusalem, Paleschtina) isch en israelischer Jurischt un Bolitiker (Likud). Syt em 24. Juli 2014 isch er as Noofolger vum Schimon Peres dr zehnt Staatsbresidänt vu Israel.[1] Vu 2001 bis 2003 isch er Minischter fir Kommunikation un vu 2003 bis 2006 un wider vu 2009 bis 2013 Sprächer vu dr Knesset gsii.
Uusbildig un Beruef[ändere | Quälltäxt bearbeite]
Dr Rivlin het an dr Hebräische Universitet z Jerusalem Rächtswisseschafte studiert un langi Johr as Rächtsaawalt gschafft.
Bolitik[ändere | Quälltäxt bearbeite]
Dr Rivlin isch zum erschte Mool anne 1988 in d Knesset gwehlt woore. Vu 1988 bis 1993 isch er Vorsitzer vum Likud gsii. Är het 1992 sy Barlemäntssitz verloore, isch aber vier Johr speeter wider in d Knesset yyzooge. Dr Ariel Scharon het en 2001 zum Minischter fir Kommunikation gmacht. Anne 2003 isch er Barlemäntssprächer woore, was er zerscht bis 2006 bliiben isch. In syre Amtzyt isch em Rivlin vorgwoorfe woore, är ließt di neetig Neitralitet vermisse. Är het si as schaarfe Kritiker vum aisytige Abkoppligsblaan profiliert, wu s dr Ruggzuug vu Israel us em Gazastraife din ghaa isch.
Anne 2007 isch dr Rivlin as Kandidat vum Likud zue dr Bresidäntschaftswahl aadrätte. Noch em erschte Wahlgang het er sy Bewärbig aber wider zruggzooge, wu dytli wooren isch, ass dr Schimon Peres vu dr Kadima e Meehait iberchunnt. Anne 2009 isch er wider zum Barlemäntsbresidänt gwehlt woore un isch des derno bis anne 2013 gsii.
Positione[ändere | Quälltäxt bearbeite]
Dr Rivlin lähnt e Zweestaateleesig ab un isch fir e Partnerschaft vu Juden un Araber in aim Staat.[2] Im Mai 2015 isch brichtet wore, är wett e Federation mit dr Paleschtinänser. Är diei si au fir uffigi Gränzen uusspräche, wu s kai Friide gäbt ohni si. S Verhältnis zue Dytschland diei er fryndschaftli nänne, mer derft aber d Vergangehait in dr Beziehig zue Dytschland nie vergässe.[3]
Privats[ändere | Quälltäxt bearbeite]
Är isch ghyrote un het vier Chinder. Syt er 1970er Johr isch dr Rivlin Vegetarier.
Weblink[ändere | Quälltäxt bearbeite]
Commons: Reuven Rivlin – Sammlig vo Multimediadateie- Aagabe zum Rivlin uf dr Syte vu dr Knesset
- „Aus echtem Schrot und Korn“: Porträt vum Reuven Rivlin uf zenithonline.de
Fueßnote[ändere | Quälltäxt bearbeite]
- ↑ Reuven Rivlin ist der neue israelische Präsident. Archivlink (Memento vom 6. Augschte 2016 im Internet Archive) In: Botschaft des Staates Israel in Berlin, 10. Juni 2014
- ↑ Rivlin wird neuer israelischer Präsident. In: Süddeutsche Zeitung, 10. Juni 2014.
- ↑ Israels Präsident spricht sich gegen Zwei-Staaten-Lösung aus. In: Süddeutsche Zeitung, 9. Mai 2015.
|
Dä Artikel basiert uff ere fräie Übersetzig vu dere Version vum Artikel „Reuven_Rivlin“ vu de dütsche Wikipedia. E Liste vu de Autore un Versione isch do z finde. |