Schimon Peres

Dr Schimon Peres (2009)

Dr Schimon Peres (hebräisch שמעון פרס, arabisch شمعون بيرس, ursprünglig Szymon Perski; * 2. August 1923 z Wiszniewo, Pole, hüte Wischnewa, Wiissrussland) isch en israelische Politiker, Friedensnobelpriisdräger und dr Präsident vom Staat Israel.

Er isch eine vo de diensteltiste israelische Politiker und isch meh as eimol dr Vorsitzend vo der israelische Arbetspartei gsi, won er aber 2006 drus usdräte isch.

Dr Peres isch vo 1984 bis 1986 dr achte Ministerpräsident vo Israel gsi und wider für e churzi Ziit vo 1995 bis 1996 noch dr Ermordig vom Jitzchak Rabin. Er isch au dr stellverträtend Regierigschef und Ussenminister in der Regierig vom Ariel Scharon vo 2001 bis 2002 gsi. Vom Januar 2005 aa isch er wider Vize-Ministerpräsident in de Regierige vom Ariel Scharon und Ehud Olmert gsi. Am 13. Juni 2007 isch er vo dr Knesset zum nünte Staatspräsident vo Israel as Nochfolger vom Mosche Katzaw gewehlt worde. Dr Peres het siini siibejöhrigi Amtsziit am 15. Juli 2007 agfange.

Literatur

• Tamar Amar-Dahl: Shimon Peres. Friedenspolitiker und Nationalist. Schöningh Verlag, 2010, Paderborn

Netzgleicher (Weblinks)

 Allmänd (Commons): Shimon Peres — Witeri Mulitimediadateie zum Artikel

• Literatur vu un iber Schimon Peres im Katalog vu dr Dytsche Nationalbibliothek
• Informatione vu dr Nobelstiftig zue dr Pryysverleihig 1994 an Schimon Peres (änglisch)
• Offizielli Biographi vom Israelische Usseministerium no dr Wahl vom Peres zum Präsidente (englisch)
• D Aatrittsred vom Schimon Peres als Staatspräsident am 15. Juli 2007 (englisch)
• Schimon Peres – d Site vo dr Knesset
• Website des Peres Center for Peace
• Offizielli Site vom Präsident vo Israel

Dä Artikel basiert uff ere fräie Übbersetzig vum Artikel „Schimon_Peres“ vu de dütsche Wikipedia. E Liste vu de Autore un Versione isch do z finde.