Räumliche Distanzierung

Abstand haa isch öppis, wo vo allne Lüüt im öffentliche Ruum i gwüssne Situazioone vrlangt wird.

Gmeint isch: Me chunt den andere nit z nooch, zum Bischpiil wenn si öppis mache, wo gheim muess blybe wie öppe bim Zahle mit ere Bankchaarte oder bim Gältuseloo amene Bankomat women en Pin-Code ygit.

es Piktogramm ufem Merkblatt vom BAG wäge dr Covid-19-Pandemy

Ganz en andere Fall cha us medizinische Gründ nötig wärde, wenn s drum goot, Infekzioone bi asteckende Chrankete z vrmyde. Das isch im Früejoor 2020 bi dr Covid-19-Pandemy wichtig gsi, wo de Lüüt vo de Gsundheitsbehörde dringend empfole worden isch, sich nit z nooch z choo und sech nit d Händ z gää.

I de Meedie und em öfentlichen und au em private Diskurs isch dr Begriff drfüür us em Änglische, social distancing, au im dütschsproochige Berych sid Februar und März 2020 wien es Modewort vil bruucht worde. Es goot aber nit würklich um die soziaali Trennig oder Isolazioon; me dänkt ender a die physischi Trennig, ebe dr Abstand, wo eim cha vor Asteckige schütze.

So nen «rüümlichi Trennig» het me scho früener für Lüüt mit asteckende Chrankete befole, so wie dozomol wo me d Siechehüüser ussen a de Stedt ygrichtet het.

Weblink

 Commons: «Social distancing» – Sammlig vo Multimediadateie