Petachja us Räägensburg

Us der alemannische Wikipedia, der freie Dialäkt-Enzyklopedy
D Räise vom Petachja

Dr Petachja us Räägensburg (* z Prag 12. Joorhundert; Petachia vo Räägensburg, Petachja ben Jacob us Räägensburg) isch e jüüdische Räisende im Mittelalter gsi.

Er isch vo Räägensburg uf Prag züüglet, und het vor 1187 e Räis über Pole, Kiew, d Krim (won er vo de Karäer dört wärtvolli Noochrichde häimbrocht het), witer über Armenie, Mossul, Sura, Pumbedita und Bagdad in s persische Susa gmacht. Uf em Wäg zrug isch er über Palestina und Griechland gräist.

Er het sich vor allem für s jüüdische Lääbe und die jüüdische Häiligegräber intressiert. Wider dehäi häi meereri Autore, under iine dr Jehuda ben Samuel, uf dr Grundlaag vo de Notize, wo dr Petachja gmacht het, uf Hebräisch dr Räisebricht Sibbuv (Umkräisig) verfasst. Er isch 1595 zum erste Mol z Prag druckt worde und isch no witeri 24 Mol ufgläit worde. Dr Bricht isch in meereri Sprooche übersetzt worde, zum Bischbil isch 1905 e hebräisch-dütschi Usgoob erschiine.

Usgoobe[ändere | Quälltäxt bearbeite]

  • Sibbuv (Umkräisig). Prag 1595.
  • Travels of Petachia of Ratisbon. Mit ere Übersetzig uf Änglisch vom A. Benisch. Trubner, London 1856, online.
  • Lazar Grünhut (Hg.): Die Rundreise des Rabbii Petachja aus Regensburg. Frankfurt 1904/1905.

Litratuur[ändere | Quälltäxt bearbeite]

  • Stefan Schreiner (Hg.): Benjamin von Tudela, Petachja von Regensburg: Jüdische Reisen im Mittelalter. Sammlung Dieterich, Leipzig 1991, ISBN 3735001408.
  • Annelies Kuyt: Die Welt aus sefardischer und ashkenazischer Sicht: Die mittelalterlichen hebräischen Reiseberichte des Benjamin von Tudela und des Petachja von Regensburg. In: Xenja von Ertzdorff-Kupffer (Hg.): Erkundung und Beschreibung der Welt. Amsterdam 2003, ISBN 9789042010048, S. 211-231.
  • Elkan Nathan Adler: Jewish Travellers. A Treasury of Travelogues from 9 Centuries. London 1930, New York 1966.
  • Avraham Yaari: PETHAHIAH OF REGENSBURG. In: Encyclopaedia Judaica, 2. Uflag, Band 16, Detroit/ New York u.a. 2007, ISBN 978-0-02-865944-2, S. 16 (englisch)

Weblingg[ändere | Quälltäxt bearbeite]