Oberitalienisches Neunauge

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Po-Nüünaug
Systematik
Unterstamm: Wirbeltier (Vertebrata)
Chlass: Petromyzontida
Ordnig: Petromyzontiformes
Familie: Nüünauge (Petromyzontidae)
Gattig: Lampreta
Art: Po-Nüünaug
Wüsseschaftlige Name
Lampreta zanandreai
Vladykov, 1955

S Po-Nüünaug oder Lombardisches Bachnüünaug (Lampreta zanandreai oder Lethenteron zanandreai) isch e europäische Süesswasserfisch wo z Italie endemisch isch. Di genetischi Zueornnig isch umstritte. S werd mengisch as en Underart vom Bachnüünaug (Lampreta planeri) bitrachtet, wo äänlich uussiet und nördlich vo de Alpe lebt, mengisch aber au zonere andere Famili grechnet.

Uussie[ändere | Quälltäxt bearbeite]

S Po-Nüünaug isch e schlangenartige dünne Fisch mitere bloiliche Farb, wo 8 bis 19 cm lang werd. Es het e runds Suugmuul und sibe Chieme hinderem Aug.

Verbraitig[ändere | Quälltäxt bearbeite]

S Po-Nüünaug isch im Iizugspiet vom Po endemisch und chunnt nume i Gwässer a de Süüdhäng vo de Alpe z Italie und im Tessin vor. S lebt i subere suurstoffriiche Bäch mit eme sandige oder leemige Grund.

Lebeswiis[ändere | Quälltäxt bearbeite]

D Laichziit goot vom Jänner bis in März, wenn d Wassertemperatur öber 9 Grad stiigt. S Mandli grabt e chliis Nest in Bode. Wenn im Summer d Bäch uuströchnet, vergrabet sich d Laarfe im füechte Grund. Noch vier oder fööf Joor verwandlet sich d Laarfe zo uusgwachsne Nüünauge und höret uuf esse. Si laichet ainisch und sterbet deno.

Büecher[ändere | Quälltäxt bearbeite]