Nominalphrase

Us der alemannische Wikipedia, der freie Dialäkt-Enzyklopedy
Hops zue: Navigation, Suech

E Nominalfraase (Abchürzig NP) oder Nominalgrubbe isch e Fraase, das häisst e Grubbe vo Wörter, wo zämmeghööre, und wo dr Kärn oder Chopf von ere e Nomen, das häisst e Substantiv, oder e Stellverdräter vom ene Substantiv, e Pronomen, isch. Im Satz „Dr alti Baum isch vom Blitz droffe worde.“ isch „dr alti Baum“ son e Nominalfraase. Ass d Wörter zämmeghööre, cha mä dra gsee, dass si grammatisch überiistimme (Kongruenz).

In ere Nominalfraase chönne Wörter und Fraase vorchoo, wo s Substantiv begläite, wie Ardikel, Adjektiv, anderi Nominalfraase, Breposizionalfraase oder Setz. Im ene Satz wie „Dr Baum isch hooch“ mit dr Nominalfraase „dr Baum“, wo us eme Ardikel und em Kärn „Baum“ bestoot, chönne an dere Stell au anderi Konstrukzioone stoo, wie „dr alti Baum“, „dr Baum vo dr Erkenntnis“, „dr Baum uf em Fäld“ oder „dr Baum, wo umgheit isch“; und immer het mä e grammatisch richdige Satz. Mänggisch feelt s Substantiv in ere Nominalfraase wie zum Bischbil in: „dä uf em Fäld“ und däm säit mä denn en Ellipse.

Dä Artikel basiert uff ere fräie Übersetzig vum Artikel „Nominalphrase“ vu de dütsche Wikipedia.

E Liste vu de Autore un Versione isch do z finde.