Menge (Mathematik)
Us der alemannische Wikipedia, der freie Dialäkt-Enzyklopedy
Dr Begriff vo dr Mängi isch eins vo de wichtigste und grundlegende Konzept vo der Mathematik. Me fasst im Rahme vo der Mängelehr einzelni „Elemänt“ (z. B. Zahle) zun ere Mängi zsämme. E Mängi muess keini Elemänt enthalte, son e Mängi heisst die „leeri Mängi“). Bi der Beschriibig von ere Mängi goht s usschliesslig um d Frog, weli Elemänt in ire enthalte oder nit enthalte si. Es wird nit drnoch gfrogt, öb en Elemänt meh wie eimol enthalte isch oder öb s e Reihefolg under de Elemänt git.
