Mallobaudes

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Mallobaudes isch en fränkische König (rex) gsii, wo im 4. Joorhundert im römische Heer dient het. Es isch umstritte, öb d Quele ai Person oder zwoo Persone mitem gliiche Name nenet.

Im Joor 354 hett de Mallobaudes as tribunus armaturarum im Römische Heer dient und e Joor spöter het er mitem Malarich zäme de Silvanus vorem Gricht vertaidigt.

Im Joor 378 het en Mallobaudes as comes domesticorum s Römische Heer ide Schlacht vo Argentorate (Horwrig) zum Siig öber d Alemane gfüert, wobi de alemannischi König Priarius gfalen isch. Spöter het er de alemannischi König Makrian tötet, wo is Land vode Franke iigfalen isch.

Quelle[ändere | Quälltäxt bearbeite]