Kronwicken-Dickkopffalter
| Dunkle Dickchopffalter | ||||||||||||
|---|---|---|---|---|---|---|---|---|---|---|---|---|
Dunkle Dickchopffalter(Erynnis tages) |
||||||||||||
| Systematik | ||||||||||||
|
||||||||||||
| Wüsseschaftlige Name | ||||||||||||
| Erynnis tages | ||||||||||||
| (Linnaeus, 1758) |
De Dunkli Dickchopffalter (Erynnis tages) isch e chliine Summervogel.
Inhaltsverzeichnis |
Vorchoo [ändere]
De Dunkli Dickchopffalter chunnt i ganz Europa voor, feelt aber im nördliche Skandinavie. I de Alpe chan er bis 2000 müM biobachtet were. Er isch uf Magerwise, uf de Haide und am Waldrand z finde. Er suugt vor alem a de Blüete vom Törnli (Ajuga reptans).
Uussie [ändere]
De Dunkli Dickchopffalter het e Spannwiiti vo 25 bis 30 mm. Er isch e uuschiibare bruune Summervogel, ooni bsundrigi Zaichnig, nume de Rand vo de Flügel isch mit wiise Tüpfli gsöömlet. D Undersiite vo de Flügel sind hellbruu. De Körper isch hoorig.
Jooreszyklus [ändere]
D Raupe öberwinteret und verpuppt sich denn im Früelig, ooni vorene z fresse. De Falter schlüüfft im Mai und paart sich. D Aier wered uf de Blattobersiite ainzeln abglait und d Raupe schlüüffed noch zwoo Wuche. Si sind nachtaktiv. Im Augste bauet si us Fäde e Nest zom öberwintere.
Raupe [ändere]
D Raupe werd 18 mm lang. Si isch grüe und het e dunkle Ruggestraiife, de Chopf isch schwärzlich. Si isch spezialisiert uf Schlössli (Lotus corniculatus), Chronwicke (Coronilla), und Mannstroi (Eryngium campestre).
Literatur [ändere]
- Manfred Koch, Wolfgang Heinicke: Wir bestimmen. Schmetterlinge. Tagfalter, Eulen, Schwärmer, Spinner, Spanner., Neumann Verlag Radebeul 1991, ISBN 3-7402-0092-8
- Hans-Josef Weidemann: Tagfalter: beobachten, bestimmen, Naturbuch-Verlag Augsburg 1995, ISBN 3-89440-115-X
Weblink [ändere]
Allmänd (Commons): Kronwicken-Dickkopffalter – Album mit witere Multimediadateie- www.lepiforum.de
- www.schmetterling-raupe.de
- www.insektenbox.de
- Markku Savela: Lepidoptera and some other life forms (englisch)
- Moths and Butterflies of Europe and North Africa (englisch)
- Erynnis tages bi Fauna Europaea
