Königreich Irland

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Köönigriich Irland
1541–1801
Flagge Irlands 1541–1801 Wappen Irlands 1541–1801
[ Faane ] [ Wabbe ]
Banner of the Lordship of Ireland.svg Navigazioon Flag of the United Kingdom.svg
Amtssprooch Änglisch
Hauptstadt Dublin
Staatsform Köönigriich
Regierigsform Konstituzionelli Monarchii
Staatsoberhaupt Dr Änglisch Köönig (1541–1707)
Dr Britisch Köönig (1707–1801)
Regierigsschef Lord Lieutenant of Ireland
Existänzzitruum 1541–1801
LocationIslandIreland.png

Köönigriich Irland (ängl: Kingdom of Ireland, irisch Ríoghacht Éireann) isch sit 1541 dr Naame vom irische Staat gsi, wo vo Ängland beherrscht worden isch. S änglische Parlamänt het beschlosse, d Lordschaft Irland, wo sit 1171 bestande het, mit em Köönigriich z ersetze. Dr änglischi Köönig Heinrich VIII. isch eso au Köönig vo Irland worde und het in Personalunion regiert.

S Köönigriich isch von ere Exekutivbehörde regiert worde, wo under dr Kontrolle vom ene Lord Deputy gstanden isch und spööter vom ene Lord Lieutenant. Es het zwar do und dört au Irländer gee, wo dä Boste überchoo häi, aber die mäiste Lord Deputies si änglischi Aadligi gsi. Es het e Parlamänt mit zwäi Kammere gee, s House of Commons (Underhuus) und s House of Lords (Oberhuus). Bäidi Kammere häi fast immer z Dublin dagt. D Befuegniss vom irische Parlamänt si dur e Serii vo Gsetz iigschränggt gsi, vor allem s Poynings’ Law us em Joor 1492. D Katholike, wo dr grösst Däil vo dr Bevölkerig usgmacht häi, si fast immer vo dr Verdrätig im Parlamänt usgschlosse gsi. Die mäiste Beschränkige si 1782 ufghoobe worde.

S irische Parlamänt het 1800 im Act of Union zuegstimmt und 1801 isch s Köönigriich Irland mit em Köönigriich Groossbritannie veräinigt worde und s Veräinigte Köönigriich vo Groossbritannie und Irland isch entstande. S irische Parlamänt het ufghört z existiere, doch d Exekutive under dr Läitig vom Lord Lieutenant het bis 1922 bestande. Denn häi die 26 südlige Groofschafte dr Irisch Freistaat bildet und si us em Veräinigte Köönigriich usdräte.

Dä Artikel basiert uff ere fräie Übersetzig vum Artikel „Königreich_Irland“ vu de dütsche Wikipedia.

E Liste vu de Autore un Versione isch do z finde.