Johnny Hallyday

Dr Johnny Hallyday (mìt em rìchtiga Nàmma Jean-Philippe Smet; * 15. Juni 1943 z Pàris; † 5. Dezamber 2017 z Marnes-la-Coquette ìsch a franzeescher Sanger, Liadermàcher und Schàuispìeler gsìì^[1]. Ar ìsch mìt 18 Johr àlt beriahmt worra un hàt si gànza Lawa làng Erfolg ghàà. Sina Rock 'n' Roll Liader, uf Frànzeesch gsunga, han hàuiptsachlig s frànzeescha Publikum troffa. Ar ìsch ìn da 1960. Johra àls „Idole des jeunes“ bezeichnet gsìì, àwer dur sina lànga Kàrriar hàt'r dernoh Fans vu àlla Generàtiona bikumma^[2]. Ar hàt d frànzeescha Müsik stàrk beiflusst.

Kìndheit un Jugend

Dr Johnny Hallyday ìsch dr Suhn vum belgischa Schàuispìeler, Sanger un Tànzer Léon Smet (1908-1989), un vu dr Huguette Clerc (1920-2007). Wo-n-'r uf d Walt kumma ìsch, hàt'r dr Nàmma vu sinera Müeter trajt. Si Vàter hàt na ànna 1944 verloo (wo s Kìnd 8 Moner àlt gsìì ìsch), àwer ar hàt ìhm trotzam speeter si Nàmma gaa.

Dr Jean-Philippe Smet hàt ìn sinera Kìndheit ìn dr Umgawung vu Kìnschtler verbrocht. Sina Tànta, d Hélène Mar, un ìhra Tächter Desta et Menen, han na ufzoga. Dia zwei Tächter han mìt em Lee Halliday a Tànztrio bìlda: „Les Halliday“.

Wo-n-'r sina Kàrriar ààgfànga hàt, hàt dr Jean-Philippe Smet dr Kìnschtlernàmma Johnny Hallyday ààgnumma.

Kàrriar

Ààfàng

Àm 30. Dezamber 1959 hàt'r àn era Radiosandung teilgnumma, wo-n-'r s Liad „Viens faire une partie“ gsunga hàt. Ar ìsch do ufgfàlla, un àm 16. Janner 1960 hàt'r a Vertràg mìt dr Müsik-Firma Vogue unterschrìewa. Bi Vogue ìsch si erscht Single „T'aimer follement“ àm 14. März 1960 üssakumma. Àm 19. Juli 1961 hàt'r bi dr Müsik-Firma Philips unterschrìewa.

Àm 24. Hornung 1961 hàt dr erscht ìnternàtional Rockmüsikfestival z Pàris stàtt gfunda. Vu därt har hàt sìch d Rock 'n' Roll Müsik ìm Frànkrìch schnall entwìckelt, un dr Johnny Hallyday ìsch dr Meischter vu dam Stil gsìì. Ar hàt Nord-Àmerikànischa Liader uf Frànzeesch ààpàsst un gsunga.

Vum 8. Mai 1964 bis àm 20. Àuigscht 1965 hàt'r si Militärdianscht ìm 43. régiment d'infanterie de marine vu Offaburg verbrocht. Wahrend dara Zitt sìn Werbung-Film fer d Àrmee mìt ìhm trajt worra. Ar hàt aui s Liad „Le Pénitencier“ gsunga, eins vu sina scheenschta Liader. Si Vàter, wo-n-'r pràktisch nia kennt hàt, ìsch ìhn därt gànga ge besüecha - leider ìsch àwer dàs Traffa mehr a Ìnszeniarung fer d Journàlischta gsìì, wo dr Léon Smet ufgstellt ghàà hàt.

Schwierigkeita un nèier Schwung

Noh-n-em rìesiga Erfolg vu da erschta Zitta, hàt dr Johnny Halliday a pààr schwara Erfàhrunga erlabt. Ìm Oktower un Novamber 1965 hàt'r Konzert ìm Olympia gaa, wo ìn sim Publikum weniger gfàlla han. Ààfàng 1966 hàt'r ààgfànga weniger Disk z verkàuifa. Un derzüe hàt na dr frànzeescha Sanger Antoine ìn sim Liad „Les Élucubrations d'Antoine“ üsglàcht.

Noh dam, ìm Àuigscht 1966 hàt dr Johnny Halliday a Album z London ufgnumma. Ar hàt nèia Pàrtnerschàfta, mìt em Noel Redding un mìt em Jimi Hendrix entwìckelt.

Waga Schwierigkeita ìn sinera Ehe un finànziella Problemer hàt'r ìm Septamber 1966 a Salbschtmordversüech gmàcht. Ìn dam trüüriga Kontext ìsch s Liad „Noir c'est noir“ üssakumma, a ànderer großer Erfolg.

Àm 18. Novamber 1966 hàt'r a nèi Konzert ìm Olympia gmàcht, das Mol mìt Erfolg. Ìn'ma Rhythm and Blues Stil, hàt dr Sanger bewiist àss ar nèia Moda kààt àànamma.

Wìchtiga Ereignissa

S Liad „Que je t'aime“ hàt àn sinera Veräffentligung ànna 1969 vìel Erfolg bikumma, un aui wìder ànna 1988 mìt era nèia Version. Ìnsgesamta sìn 55 000 Disk dervu verkàuift worra.

Vum 25. Oktower 1984 bis àm 2. Hornung 1985 hàt dr Johhny Hallyday a Show ìm Konzertsààl „Zénith“ z Pàris gaa.

Ìm Friahjohr 1986 hàt's dr Album „Rock'n'Roll Attitude“ gaa, komponiart vum Liadermàcher Michel Berger. Ìn dam Album fìndet ma s Liad „Quelque chose de Tennessee“.

Ìm Spotjohr 1986 ìsch s Album „Gang“, komponiart vum Liadermàcher Jean-Jacques Goldman schnall disque de platine worra. Uf dam fìndet ma d Liader „J'oublierai ton nom“ (gsunga ìn Düo mìt dr anglischa Sangera Carmel), „Je te promets“, „Laura“.

Vum 15. Septamber bis àm 4. Oktower 1987 hàt dr Johnny a Show ìm Turnsààl Paris-Bercy gaa.

Ìm Septamber 1998 hat'r a Serie Show ìm Stade de France gaa. S erschta Konzert vum 4. Septamber ìsch wag'ema stàrka Raga kurz vor em Ààfàng annüliart worra un àm 11. Septamber nèi progràmmiart^[3]. Dur àndra Liader, ìsch s bekànnta Liad „Allumer le feu“, mìt'ma Hüffa Liachter un Fiirwark gsunga worra. Àm 24. Oktower 1998 ìsch dr live-CD „Stade de France 98 Johnny allume le feu“ üssakumma.

Ànna 1999 hàt's dr Album „Sang pour Sang“ gaa, komponiart vum David Hallyday, Suhn vum Johhny. 's ìsch bis jetz dr Album vum Johnny Hallyday wo àm meischta verkàuift worra ìsch.

Àm 10. Juni 2000, ìm Ràhma vu da Johr 2000-Faschter, hàt'r a Konzert àm Eiffelturm gaa, wo gliichzittig àn dr Television, uf em Sander TF1, zeigt worra ìsch. Da Konzert ìsch ufgnumma worra, uf em live-CD „100 % Johnny: Live à la tour Eiffel“.

Ìn sinera 57 Johr-làng Kàrriar hàt dr Johnny Hallyday 184 Tournee gmàcht, mìt 28 Milliona Züeschàuier. Bis sim Tod hàt'r 110 Milliona Disk verkàuift. Ar hàt 5 Diamant Album bikumma, 40 Guld Album, 22 Platin Album un 10 „Victoires de la Musique“ (frànzeescha Müsikpriisverleihung).^[4]

Àlta Fans sìn ìhm trèi blìewa, jìngera sìn derzüe kumma. Dr Johnny Hallyday ìsch mìt dr Zitt a Symbol vu dr frànzeeescha Müsik worra. Ar hàt aui àb un züe àls Schàuispìeler ìn teil Film dreiht, un ànna 2011 hàt'r Theàter fànga à spìela.

And

Ànna 2009 ìsch dr Johnny Hallyday ìn dr Spitàl kumma. Ma hàt erfàhra àss ar vum Krabs operiart worra ìsch. Trotzdam sìn d Prognosa nìt züe pessimistisch gsìì.

Noh 2010 ìsch's witterscht gànga mìt da Konzerta un Tournées.

Àm 8. Mars 2017 hàr dr Johnny Halliday uf Twitter gschrìewa àss'r waga-n-em Krabs bsorgt gsìì ìsch. Àm 13. Novamber 2017 ìsch'r drìngeng ìn dr Spitàl kumma, waga sina krànka Lunga^[5]. Ar ìsch schliaßlig friaih ìn dr Nàcht vum 5. Dezamber 2017 bi sìch dheim gstorwa.

Àm 9. Dezamber 2017 ìsch si Sàrg dur d Champs-Elysées bis ìn Madeleine-Kìrch gfiahrt worra, mìt ungfahr 1 Million Züeschàuier, àls nàtionàler Ehr. Àm 11. Dezamber ìsch'r ìn dr frànzeescha Kàribikìnsel Saint-Barthélemy vergràwa worra.

Privàtlawa

Vum 12. April 1965 bis àm 4. Novamber 1980 ìsch dr Johnny Hallyday mìt dr bülgàrisch-frànzeescha Sangera Sylvie Vartan ghirota gsìì. Sa han àm 14. Àuigscht 1966 a Suhn bikumma, dr David Hallyday, wo speeter aui Sanger worra ìsch.

Ànna 1981 hàt dr Johnny Hallyday a kurza Ehe mìt em Mannequin Babeth Etienne gmàcht.

Vu 1982 bis 1986 ìsch'r mìt dr frànzeesischa Schàuispielera Nathalie Baye gsìì; ìhra Tochter, Laura Smet, ìsch àm 15. Novamber 1983 uf d Walt kumma un ìsch speeter Schàuispìelera worra.

Vu 1990 bis 1992 ìsch'r mìt dr Schàuispìelera Adeline Blondieau ghirota gsìì.

Àm 24. Novamber 1996 hàt'r s junga Mannequin Læticia Boudou ghirota. Mìt ìhra hàt dr beriahmta Rockstar trotz sinera ààstrangenda Kàrriar a stàbila Ehe känna entwìckla. Sa han mìtnànder zwei Vietnàmisch Maidla aagnumma, Jade un Joy.

Diskografie

Studioalbum

Hello Johnny (1960, 10″-Album)
Nous les gars, nous les filles (1961, 10″-Album)
Tête à tête avec Johnny Hallyday (1961, 10″-Album)
Viens danser le twist (1961, 10″-Album)
Salut les copains (1961)
Retiens la nuit (1961, 10″-Album)
Sings America’s Rockin’ Hits (1962)
Madison Twist (1962, 10″-Album)
L’idoles des jeunes (1963, 10″-Album)
Les bras en croix (1963)
Da dou ron ron (1963, 10″-Album)
Soundtrack: D’ou viens-tu Johnny? (1963, 10″-Album)
Bonne chance (1964, 10″-Album)
Les rocks les plus térribles (1964)
Le pénitencier (1964, 10″-Album)
Halleluyah (1965)
Johnny chante Hallyday (1965)
La génération perdue (1966)
Johnny 67 (1967)
Jeune homme (1968)
Rivière…ouvre ton lit (1969)
Que je t’aime (1969)
Vie (1970)
Flagrant délit (1971)
Country, Folk, Rock (1972)
Insolitudes (1973)
Je t’aime, je t’aime, je t’aime (1974)
Rock ’n’ Slow (1974)
Rock à Memphis (1975)
La terre promise (1975)

Derrière l’amour (1976)
Hamlet (1976)
C’est la vie (1977)
Solitude à deux (1978)
Hollywood (1979)
A partir de maintenant (1980)
En pièces dètachées (1981)
Pas facile (1981)
Quelque part un aigle (1982)
La peur (1982)
Entre violence et violon (1983)
Nashville 84 (1984)
En V.O. (1984)
Rock ’n’ Roll Attitude (1985)
Gang (1986)
Cadillac (1989)
Ça ne change pas un homme (1991)
Rough Town (komplett in Englisch gesungen) (1994)
Lorada (1995)
Destination vegas (1996)
Ce que je sais (1998)
Sang pour sang (1999)
Soundtrack: Love Me (2000)
A la vie, à la mort (2002)
Ma vérité (2005)
Soundtrack: Jean-Phillipe (2006)
Le coeur d’un homme (2007)
Ça ne finira jamais (2008)
Jamais seul (2011)
L’attente (2012)
Rester vivant (2014)
De l’amour (2015)

Livealbum

Johnny et ses fans au festival de Rock ’n’ Roll (1961)
Olympia 62 (1962)
Olympia 64 (1964)
Olympia 67 (1967)
Palais des sports 67 (1967)
Palais des sports 69 (1969)
Palais des sports 71 (1971)
Palais des sports 76 (1976)
Pavillon de Paris 79 (1979)
Live à Pantin (1981)
Palais des sports 82 (1982)
Johnny Hallyday au Zénith (1985)
Johnny à Bercy (1987)
Dans la chaleur de Bercy (1990)
Bercy 92 (1992)
Parc des Princes 93 (1993)
Lorada Tour (1996)
Johnny allume le feu - Stade de France 98 (1998)
100% Johnny - Concert à la Tour Eiffel (2000)
Olympia 2000 (2000)
La cigale 1994 (2003)
Destination Vegas intégrale (teils Studio/teils Live) (2003)
Parc des Princes 03 (2003)
Flashback Tour (2006)
La cigale (2006)
Live At Montreux 1988 (2008)
Tour 66 - Stade De France 2009 (2009)
On Stage (2013)
Born Rocker Tour (2013)
Born Rocker Tour - Concert au Théâtre de Paris (2014)
Rester vivant (2016)

Weblink

Commons: Johnny Hallyday – Sammlig vo Multimediadateie

Referanza

[1] Johnny Hallyday ist tot, uf srf.ch, 06.12.2017 (de)

[2] Johnny Hallyday, "l'idole des jeunes" s'en est allée, uf tv5monde, 06.12.2017 (fr)

[3] Johnny n'a pas retenu la pluie, uf liberation.fr, 05.09.1998 (fr)

[4] Johnny Hallyday: 10 chiffres pour résumer une carrière, uf 1more.fr (fr)

[5] Johnny Hallyday est rentré chez lui après plusieurs jours d'hospitalisation, uf LeFigaro.fr, 19.11.2017 (fr)

[1]

[2]

[3]

[4]

[5]