Jacques Cartier

Us der alemannische Wikipedia, der freie Dialäkt-Enzyklopedy
Idealporträt vum Jacques Cartier, gmolt vum Théophile Hamel (1817–1870), El uf Lyynwand, ca. 1844

Dr Jacques Cartier (bretonisch: Jakez Karter; * 31. Dezämber 1491 z Rothéneuf bi Saint-Malo, Frankrych; † 1. Septämber 1557) isch e franzesische Entdecker un Seefahrer gsii.

Läbe[ändere | Quälltäxt bearbeite]

Dr Cartier het anne 1520 d Mary Catherine des Granches ghyrote un isch dodermit in dr Gsellschaft ufgstige.

Vum Chenig Franz I. het dr Cartier dr Oberbefähl iber zwai Schiff iberchuu, wu am 20. April 1534 St. Malo verloo hän go Fischgrind bi Neifundland z untersueche. Är het d Nordkischte vu Neifundland bassiert, isch dur d Belle-Isle-Stroß gsäglet un isch am 6. Juli in d Baie des Chaleurs chuu. Do isch szuen eme erschte Kontakt chuu mit dr Uryywohner vu Amerika vum Algonkin-Volk vu dr Mi'kmaq. Derno isch er dr ganz Sankt-Lorenz-Golf uffegfahre un het fascht ganz Neifundland umsäglet. Die nei entdeckte Biet het mer speter Neifrankrych gnännt.

Anne 1535 het dr Cartier dr Sankt-Lorenz-Strom untersuecht un isch 2. Oktober im stark bfeschtigte Irokese-Dorf Hochelaga aachuu. Dr Berg iber em Dorf isch Mont Royal, cheniglige Bärg, gnännt wore. D Mannschaft het an Skorbut, wu mer dertemol d Ursache dervu nonig gchännt het. 1536 isch er uf Europa retuur chuu.

Anne 1540 het dr Jean-François de la Rocque de Roberval d Erlaubnis iberchuu, uf syni aigene un s Chenigs Cheschte e Niderlossig z Kanada z grinde. Zue däm Zwäck isch dr Cartier mit drei Schiff losgschickt wore. In dr Nechi vum hitige Québec bim Dorf Stadacona het er s Fort Charlesbourg böue loo, het dr Strom untersuecht un wider iberwinteret. Im Juni 1542 isch dr Cartier wider uf Europa retuur chuu. 1544 het dr Cartier dr Ufdrag iberchuu, dr de Roberval un syni Lyt wider uf Frankrych retuurzbringe.

No syym Dod het dr Samuel de Champlain d Entdeckige wytergfiert.

Ihm z Ehre isch unter anderem e Stroß z Montréal (Kanada) gnännt wore, d „rue Cartier“.

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Jacques Cartier – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „Jacques_Cartier“ vu de dütsche Wikipedia. E Liste vu de Autore un Versione isch do z finde.