Hilfe:Bearbeitungskonflikt

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Wiil's zum Wikipedia-Prinziip ghört, dass jedi Site sofort cha bearbeitet were, gitt's all widder sognännti Bearbeitigskomflikt. Sälli chönne durch ei odder durch mehreri Benutzer usglösd were:

  • Oft chunnt's vor, dass dä technisch Komflikt durch zwei odder meh Nutzer usglösd wird: De Benutzer A ändert öbbis an de aktuälle Version vu-n-ere Site. Bevor er sini gänderti Version abber cha abspiichere, wird d'Site vu'me-ne andere Nutzer B gändert un abgspiichert, sodass de Benutzer A im technische Sinn e alti Version am Bearbeite isch un abspiichert. Det er sini neui Version abspiichere, no det er (ohni's z wölle) d'Änderige vum Benutzer B ruckgängig mache.
  • Wenn de Bearbeitigskomflikt durch ei Benutzer verursacht wore isch, no litt des draa, dass er öbbis gspiichert hät un deno übber d'Schaltflächi Zruck in sinem Browser uff d'Bearbeitigssite gange isch gò e anderi Änderig mache un abspiichere.

Dass keini Änderige übberschribe were, mäldet's d'MediaWiki-Software eme Nutzer, wenn er e Bearbeitigskomflikt usglösd hät, un er wird bätte, sini Änderige z übberpriefe. Jetz hät's uff de Site zwei Bearbeitigsfälder: s ober zeigt di neui Version vum Benutzer B, im untere die vum Benutzer A. Als neui, aktuälli Version gspeichert wird dä Tekscht, wu im obere Fäld isch.

Was machsch?[ändere | Quälltäxt bearbeite]

Wenn's e Bearbeitigskomflikt gee hät, no gitt's zwei Vorgehenswiise:

  1. Wenn's goht, no kopiersch eifach dini Änderige us em untere Editierfäld ins ober un spiichersch widder ab; säll isch bsunders dört empfehlenswärt, wu d'Änderig e neue, züesetzlige Tekscht sin, z. B. uff Diskussionssite un bi Stimmabgabe.
  2. De fiegsch dini Änderige vu Hand ins ober Fäld ii. Eso were keini Änderige vum Benutzer B glöscht, was zu Sträss un mögligerwis au Bearbeitigschrieg chönnt fiehre.

Cha mer Bearbeitigskomflikt vermiide?[ändere | Quälltäxt bearbeite]

D'Bearbeitigskomflikt lönn sich iigränze, indemm mer allewiil numme ei Abschnitt ändert un nit de ganz Tekscht, sodass mer in chleinere Zitabständ abspiichere müeß. We'mer zum Bispil bi'me-ne Meinigsbild sini Stimm abgitt, no sott mer äntwäder de Abschnitt defür odder de Abschnitt degege uswehle. Eso chunnt mer au nit mit öbberm in e Bearbeitigskomflikt, wu e andere Abschnitt bearbeitet, wiil d'MediaWiki-Software deno numme de jewiilig Abschnitt verändert.

Vorlag „Inuse“[ändere | Quälltäxt bearbeite]

Ganz vermiide chasch e Bearbeitigskomflikt durch d'Inuse-Vorlag ({{Inuse|~~~~}}). Sälli chasch am Aafang vum Artikel odder Abschnitt iifiege un abspiichere, sodass e Boustei aazeigt wird. Dä sott allerdings sparsam verwändet were:

  • De Boustei isch numme sinnvoll, wenn de e Artikel odder Abschnitt übber längeri Zit bearbeitsch, zum Bispil bi Fehlerkorrektuure, Umstrukturierige odder Ergänzige an mehrere Stelle im Tekscht.
  • Uunötig isch er, wenn dr mehreri, zitlig churzi Bearbeitige machsch.
  • Es isch nit gwünscht, dass de Boustei übber mehreri Stunde, Dag odder sogar Wuche im Artikel blibt: erstens chönnte neui Nutzer, wu d'Funktion devuu nit känne, meine, si dürfte de Artikel odder Abschnitt übberhaupt nit bearbeite, un dete abgschräckt were. Erfahreni Nutzer chönnte zudemm meine, de wottsch dir elei d'Bearbeitigsrächt für de Artikel sichere un sich dodrübber uffrege.
  • Wenn dr en e gwüssi Zit im Artikel häsch un en nit uusenümmsch, no müesch demit rächne, dass en öbber anderst uusenümmt, ohni di vorhär z froge.
  • Wenn de e bitz meh Zit bruuchsch für ei Artikel z übberarbeite, no sottsch dr di letschti Version uff e Benutzeruntersite kopiere un dört draa schaffe. Dört bruucht's de Boustei natürli nit. De chasch während de schaffsch uff de Artikeldiskussionssite druff hiiwiise, dass dr de Artikel am Übberschaffe bisch, uff alli Fäll sottsch abber druff uffmerchsam mache, bevor de di neui Version iistellsch, un übberpriefe, ob eventuälli zwüschezitligi Änderige in dini Version übberdrage were sotte.

Problem[ändere | Quälltäxt bearbeite]

Bi de Widderhärstellig vu-n-ere friehjere Artikelversion wird kei Bearbeitigskomflikt usglösd. Bispil: Benutzer A schafft an ere Site un bevor er sini Änderige abspiichert, macht de Benutzer B di vorhärigi Änderig ruckgängig. Wenn de Benutzer A abspiichert, no übberschribt er di widderhärgstellti Version, die Änderige, wu vum Benuter B ruckgängig gmacht wore sin, sin also all no dinne, ohni dass es öbber mercht. Säll Problem drättet au dänn uff, wenn d'Änderige an zwei verschidene Abschnitt vu'me-ne Artikel vorgnuu wore sin.

Lüeg au: Fehlerbericht uff em Bugzilla