Hassan Rohani

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Hassan Rohani (2013)

Dr Hassan Rohani (persisch حسن روحانی ‎, DMG Ḥasan Rūḥānī; Geburtsnaame Hassan Feridon, Farsiحسن فریدون}}‎; * 13. Novämber 1948 z Sorkheh, Browinz Semnan, Iran)[1] isch e iranische Politiker und e schiitische Mudschtahid (Rächtsgleerte) mit em religiööse Ditel Hodschatoleslam.[2] Er isch sit dr Wahl am 14. Juni 2013 dr designiert Bresidänt vo dr Islamische Republik Iran und lööst dr Mahmud Ahmadinedschad am 3. August 2013 ab.

Lääbe[ändere | Quälltäxt bearbeite]

1960 het dr Rohani si Usbildig in dr tradizionelle islamische Schuel z Ghom (Hawza) aagfange; 1969 isch er an d Teheraner Universidäät und 1972 het er si Studium vo de Rächtswüsseschafte abgschlosse.

Sit 1992 isch er dr Läiter vom Zentrum für strategischi Forschige (CSR) im Iran.[3]

Politischi Karriere[ändere | Quälltäxt bearbeite]

Iran–EU-3 Verhandlige am 21. Oktober 2003
Dr Hassan Rohani im ene US-Fäldlazarett noch em Ärbeebe z Bam (2004)

Vo 1989 bis 2005 isch dr Rohani Mitgliid vom Nazionale Sicherhäitsroot gsi, sit 1991 vom Schlichdigsroot. 1998 isch er in Expärteroot gweelt worde, und wider 2006.

Dr Rohani isch dr stellverdrätend Bresidänt in der 4. und 5. Legislaturperiode vom iranische Parlamänt (Madschles) gsi. 2003 isch er under em Bresidänt Chatami zum Schefunderhändler vo de Gsprööch zwüsche dr EU-3 (Groossbritannie, Frankriich, Dütschland) und em Iran im Bezuug uf s iranische Atomprogramm ernennt worde und Uranaariicherig isch für e Zit gstoppt worde. Am 18. August 2005 het en dr nöi Bresidänt Mahmud Ahmadinedschad mit em Ali Laridschani ersetzt. Dr Rohani gältet as politisch in dr Nööchi vom Alī Akbar Hāschemī Rafsandschānī aagsiidlet.

Bi de Bresidäntschaftswaale 2013 het dr Rohani in dr erste Runde 18'613'329 Stimme überchoo, was ere Kwote vo 50,70 Brozänt entspricht und isch aso gweelt gsi.[4]

Wärk[ändere | Quälltäxt bearbeite]

  • Rūḥānī, Ḥasan: Chāṭirāt-i Ḥudschat al-Islām va al-Muslimīn Duktur Ḥasan Rūḥānī: Inqilāb-i Islāmī (1341-1357), Tihrān: Markaz-i Asnād-i Inqilāb-i Islāmī, 2009, ISBN 978-964-419-036-0

Weblingg[ändere | Quälltäxt bearbeite]

 Allmänd (Commons): Hassan Rohani – Sammlig vo witere Multimediadateie

Fuessnoote[ändere | Quälltäxt bearbeite]

  1. Press TV Hassan Rohani (abgrüeft am 14. Juni 2013)
  2. Mit em Zuesatz val Muslimīn
  3. csr.ir Center for Strategic Research (CSR) (abgerufen am 15. Juni 2013)
  4. presstv.ir Rohani becomes Irans new President (abgrüeft am 15. Juni 2013)
Dä Artikel basiert uff ere fräie Übersetzig vum Artikel „Hassan_Rohani“ vu de dütsche Wikipedia.

E Liste vu de Autore un Versione isch do z finde.