Guido Novello da Polenta

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Guido Novello da Polenta († 1323 z Bologna) isch en oberitaliänische Herrscher und Dichder gsi.

Läbe[ändere | Quälltäxt bearbeite]

Dr Guido Novello da Polenta isch dr Änkel vom Guido em Eltere gsi. 1265 isch er z Ravenna an d Macht cho.
1316 het er em Dichder Dante, won e baar Johr vorhär us Floränz verdriibe worden isch, z Ravenna Asyl ge. Dä het dört si Göttligi Komödie fertig gschriibe. 1321 het er dr Dante mit ere diplomatische Mission noch Venedig gschiggt, wo dr Dichter chrank drvo heicho und churz druf dra gstorben isch.

1322 isch dr Guido zum Afüehrer vo Bologna gwehlt worde. Er het siim Brueder, em Erzbischof Rinaldo d Herrschaft über Ravenna überlo. Dä isch aber churz druf vo sim Cousin, em Ostasio da Polenta, ermordet worde, und dr Ostasio het d Macht übernoh. Mit Hilf vo de Bologneser het dr Guido brobiert, Ravenna zruggzerobere im Johr druf. Er isch aber besiigt worde und 1323 z Bologna im Exil gstorbe.

Literatur[ändere | Quälltäxt bearbeite]

  • Rime. Druckt um 1330. (Gedicht im dolce stil nuovo, wo d Frau drin idealisiert und verherrlicht wird).

Quelle[ändere | Quälltäxt bearbeite]

  • Dr Ardikel "Polenta Family." in Encyclopædia Britannica. Ultimate Reference Suite. Chicago: Encyclopædia Britannica, 2009.
  • Dr Ardikel Guido Novello da Polenta uf dr dütsche Wikipedia.