Gossip Girl
Gossip Girl isch e US-amerikanischi Jugendserie, wo sit dem 19.09.2007 uf em Network The CW z' gseh isch un uf dr glichnamige Buechreihe vo dr Autorin Cecily von Ziegesar basiert.
[ändere] Handlig
D Serie handelt vonere Gruppe vo verwöhnter Teenager vonere New Yorker Elite-Schuel, vo dene riche und bekannte Familie und vo dene, wo nit zur High Society ghöre, allerdings mit ihre z tue hend. All ihri Handlige, Fähler und Grücht um sie wärde vonere anonyme New Yorker Bloggerin, Gossip Girl, brichtet und kommentiert. Es goht um Konflikt zwische Eltere und ihrne Kinder, Konflikt zwüsche rich und weniger rich und um Theme wie Fründschaft, Intrige, Liebi, Sex, Iefersucht, Depressione, Alkohol und Droge. Im Mittelpunkt vo dere Serie stoht Serena van der Woodsen (Blake Lively) und ihri besti Fründin Blair Waldorf (Leighton Meester). In dr erste Folg vo dr Serie taucht d Serena plötzlich wieder in New York uf. Nit emol d Blair het gwüsst, wo sie in de letzte Mönet gsi isch. Blairs Fründ Nate Archibald (Chace Crawford) wo vor Serenas Verschwinde e churzes Intermezzo het gha, merkt, dass er immer no Gfühl für d Serena het. Sie het aber kei Inträss am Nate. Stattdesse trifft Serena de charmant Dan Humphrey (Penn Badgley), e Stipendiat us Brookly, wo nit wie d Serena, de Nate und d Blair usere wohlhabende Familie vo dr High Society vo de New Yorker Upper East Side chunnt und so Serena und ihrne Fründinne nie ufgfalle isch. Allerdings verfolgt er s Gscheh um d Serena scho sit einiger Zit. Durch e Zuefall chöme sich die beide schnell nöcher. Dans Schwöster Jenny (Taylor Momsen) gohts ähnlich wie ihm, denn au sie het bis jetzt Blair und ihri Elite-Clique bis jetzt nur us dr Färni betrachte chönne, versuecht aber immer wieder dezue z ghöre. Im Gägezug für d Gstaltig vo Ieladige zuenere Party unterem Motto ¨Kiss on the lips¨ bechunnt au d jenny e Ieladig. Doch spötistens do muess sie begriffe, dass au die neu gfundeni Glitzerwält ihri Schattesite het.
