Gliichschänkligs Dreiegg

E gliichschänkligs Dreiegg isch e Dreiegg mit wenigstens zwäi Site, wo gliich lang si. Dorum si au die bäide Winggel gliich grooss, wo wisawii vo de bäide gliich lane Site si. E Spezialform isch s gliichsite Dreiegg, wo alli drei Site gliich lang si. Zum es gliichschänkligs Dreiegg vollständig z bestimme, brucht mä zwäi Bestimmigsstück, vo deene muess mindestens äis e Site si.

Die bäide gliich lange Site häisse Schänkel, die dritti Site häisst Basis. Dr Egge wo wisawii vo dr Basis lit, häisst Spitz. D Winggel züsche dr Basis und de Site häisse Basiswinggel.

Jedes gliichschänklige Dreiegg isch aggsesümmetrisch. Es cha spitzwingglig, rächtwingglig oder stumpfwingglig sein, wobii mit däm Winggel dr Winggel zwüsche de bäide Site gmäint isch.

Formle zum gliichschenklige Dreiegg
Sitelengene	$a=b,\,c$
Winkel	$\alpha =\beta ,\,\gamma =180^{\circ }-2\alpha$
Flecheninhalt	$A\,=\,{\frac {c}{2}}{\sqrt {a^{2}-{\frac {c^{2}}{4}}}}$ oder $A\,=\,{\frac {1}{2}}\,c\cdot h_{c}$
Umfang	$u\,=\,2\cdot a+c$

Weblingg

 Commons: Gliichschänkligs Dreiegg – Sammlig vo Multimediadateie

• Eric W. Weisstein: Isosceles Triangle. In: MathWorld (änglisch).