Eveline Stähelin

Dialäkt: Undermarkgreflerisch

D Eveline Stähelin (* 26. Oktober 1959 z Winterthur) isch e Schwyzer Draibuechautoori un Filmreschiseeri.

Lääbe

D Eveline Stähelin het vu 1987 bis 1993 an dr Dytsche Film- un Fäärnsehakademy Berlin (dffb) studiert. In däre Zyt het si as Reschiseeri verschiideni Film fir d dffb gmacht. Vu 2000 bis 2001 het si ne Draibuechjohreskuurs an dr Freie Draibuechschuel Berlin absolviert un vu 2003 bis 2005 Method-Writing-Seminaar im Rame vum SAT 1 Talänt Brogramm. Anne 2006 isch dr eerscht Fäärnsehfilm Flanke ins All no iirem Draibuech bim Schwyzer Raadio un Fäärnseh (SRF) uusechuu, 2007 derno Heldin der Lüfte un 2011 Nebelgrind, beedi zäme mit dr Josy Meier. Mit iire het si vu 2013 bis 2015 au d Draibiecher fir drei Folge vu dr Krimiseerie Tatort gschriibe.

Vu 2006 bis 2009 isch si Lektoori fir Spiilfilmbrojäkt fir s Schwyzer Bundesamt fir Kultuur gsii. Syter 2011 het si ne Lehrufdraag fir „Gschiichte: Dramaturgy & Wiirkig“ im Fach Meediepedagoogik an dr Alice-Salomon-Hoochschuel z Berlin un syter 2012 fir „Draibuech schryybe“ am Fachberaich Screen Based Media vu dr Berliner Hoochschuel fir Tächnik (Beuth-Hoochschuel).

Filmografy

Draibuech

• 2006: Flanke ins All (Fäärnsehfilm)
• 2007: Heldin der Lüfte (Fäärnsehfilm, mit dr Josy Meier)
• 2011: Nebelgrind (Fäärnsehfilm, mit dr Josy Meier)
• 2013: Tatort – Zwischen zwei Welten ( Fäärnsehfilm, mit dr Josy Meier)
• 2014: Tatort – Schutzlos ( Fäärnsehfilm, mit dr Josy Meier)
• 2015: Tatort – Freitod ( Fäärnsehfilm, mit dr Josy Meier)

Reschy

• 1988: Heidenröslein
• 1989: Nicht-Blick
• 1990: Berlin im März ’90
• 1991: Heidi
• 1995: On verra

Weblink

• d Eveline Stähelin, Porträä in dr Daatebank drehbuchautoren.de
• Eveline Stähelin in dr Internet Movie Database
• Eveline Stähelin bi filmportal.de

Fueßnote

Dä Artikel basiert uff ere fräie Übersetzig vu dere Version vum Artikel „Eveline_Stähelin“ vu de dütsche Wikipedia. E Liste vu de Autore un Versione isch do z finde.