Euböa

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Euböa
Edipsos
Edipsos
Gwässer Egeis
Geographischi Lag 38° 30′ N, 24° 0′ O38.5241745Koordinaten: 38° 30′ N, 24° 0′ O
Euböa (Griechenland)
Euböa
Lengi 175 km
Breiti 45 km
Flechi 3.660 km²
Hechschti Hebig Dirphys
1.745 m
Iiwohner 220.000
60 Iiwooner/km²
Hauptort Chalkida

Euböa (altgriechisch Εὔβοια, Eúboia), hütigi Ussprooch Évia (neugriechisch Εύβοια (f. sg), Evia) isch e griechischi Insle in dr Egeis. Si het e Flechi vo 3'660 km² und e Bevölkerig vo öbbe 220'000 Iiwooner (Stand: 2005) und isch noch Kreta die zwäitgrössti griechischi Insle. D Hauptstadt isch Chalkida, früener au Chalkis. Es git no e Räije vo witere Chliistedt: Karystos, Kymi, Psachna, Aliveri, Edipsos und Limni. D Insle isch über zwäi Brugge mit em Festland verbunde; äini von ene goot über e Meerängi, wo nume 40 Meter bräit isch. D Iiwooner vo Euböa häi in dr Antike Abantes ghäisse. Wie die mäiste griechische Insle isch Euböa früener under andere Nääme bekannt gsi, wie Macris and Doliche, wo sich uf d Form vo dr Insle bezieen, oder Ellopia und Abanten (Άβαντες) noch de Stämm wo dört gwoont häi.

Euböa het e Küstelengi vo 678 Kilometer und isch öbbe 175 Kilometer lang und 6 bis 45 Kilometer bräit. Über iiri ganzi Lengi goot e Gebirgszug, wo sich im Nordweste an Thessalie aaschliesst und gege Süde über d Insle Andros, Tinos und Mykonos witergoot.

D Insle ghöört zur Region Sterea Ellada (Middelgriecheland). Zum Regionalbezirk Euböa ghööre au d Insle Skyros, e chliine Däil vom Festland e Hufe Felseinseli, wie zum Bischbil d Petalii.

Weblingg[ändere | Quälltäxt bearbeite]

 Allmänd (Commons): Euböa – Sammlig vo witere Multimediadateie