Ziisli

Ziisli
Ziisli (Carduelis spinus)
Systematik
Ordnig: Spatzevögel (Passeriformes) Underordnig: Singvögel (Passeri) Familie: Finke (Fringillidae) Underfamilie: Stiglitzartigi (Carduelinae) Gattig: Ziisli (Carduelis) Art: Ziisli
Wüsseschaftlige Name
Carduelis spinus
Linnaeus, 1758

S Ziisli (Carduelis spinus; alemanischi Näme) isch e Zugvogel, wo i Mitteleuropa vom März bis in November lebt. I de Alpe chunnts bis 2600 m ü.M. vor, s feelt aber im Flachland.

Uussie

S Ziisli isch e grüegeele chliine Vogel mit graue Flecke. Mandli hend e schwarzes Chäppli. D Flögel sind schwarz-geel gstraifflet. Ziisli wered 11 bis 13 cm grooss, hend e Spannwiiti vo 20 bis 23 cm und wöget 10 bis 14 Gramm.

Lebeswiis

S Ziisli lebt i Mischwälder und mag bsunders Tane, Erle und Bilche. S baut i de Bömm us Ästli und Hälm e munzigs Nestli und polsteret da mit Hoor uus.

Bilder

• 
  Männli
• 
  Wiibli
• 
  Verbraitig
• 
  Aier
• 
  Ziisli im Flug

Büecher

• Heinz Staffelbach: Handbuch Schweizer Alpen; Bern 2008. ISBN 978-3-258-06895-4
• Lars Svensson, Peter J. Grant, Killian Mullarney, Dan Zetterström: Der neue Kosmos Vogelführer. Kosmos, Stuttgart, 1999. ISBN 3-440-07720-9
• Lars Jonsson: Die Vögel Europas und des Mittelmeerraumes - Kosmos-Naturführer, Franckh-Kosmos Stuttgart 1992/1999. ISBN 3-440-06357-7
• Paul Sterry (Herausgeber): Die Enzyklopädie der europäischen Vogelwelt. Tosa, Wien, 2003. ISBN 3-85492-813-0

Weblink

 Commons: Ziisli – Sammlig vo Multimediadateie

• Carduelis spinus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 22. Dezember 2008
• Video, Foto und Tonufnahme zue Carduelis spinus in dr Internet Bird Collection
• Iitrag bi de Schwiizerische Vogelwarte