Endeavour-Straße

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Endeavour-Straße
D Endeavour-Strooss (root)
D Endeavour-Strooss (root)
Verbindet s Gwässer Korallemeer
mit em Gwässer Arafurasee
Drennt d Landmasse Kap-York-Halbinsle
vo dr Landmasse Prince-of-Wales-Insle
Date
Endeavour-Straße (Queensland)
Endeavour-Straße
Lengi 50 km
Chliinsti Bräiti 10 km
Grössti Diefi 15 m

As Endeavour-Strooss [ɪnˈdɛvɐ] isch e Meerängi zwüschen em Cape York und dr Prince-of-Wales-Insle. Si isch dr südlig Däil vo dr Torres-Strooss zwüsche Australie und Papua-Neuguinea. Dr Luiz Vaéz de Torres het 1606 d Torres Strait Islands entdeggt, aber d Spanier häi d Meerängi welle ghäimbhalte.

Iire Naame chunnt vo dr HMS Endeavour, em Schiff, wo dr James Cook 1770 mit em dur d Meerängi gfaare isch . D Passaasche isch seer äng und es het e Hufe Riff und starki Ströömige. Langi Zit isch iiri Kartografierig seer unzuelänglig gsi und si isch vile Schiff zum Verhängnis worde. Dr William Bligh het au Charteskizze gmacht, won er noch dr Möiterei uf dr Bounty im Biiboot uf Timor gfaare isch. Erst gege s Ändi vom 19. Joorhundert het sä dr John McLean (1838–1907) exakt vermässe.

S berüemtiste Wrack, wo mit dr Endeavour-Strooss in Verbindig brocht wird, isch woorschinlig daas vo dr HMS Pandora, wo d Möiterer vo dr Bounty isch go sueche und wo am 29. August 1791 uf s Great Barrier Reef ugfloffe und gsunke isch. 35 Maa si umcho drbii, under ene au vier vo de Bsatzungsmitgliider vo dr Bounty, wo uf Tahiti gfange gnoo worde si.


Dä Artikel basiert uff ere fräie Übersetzig vum Artikel „Endeavour-Straße“ vu de dütsche Wikipedia.

E Liste vu de Autore un Versione isch do z finde.