Edition LEU

D Edition LEU isch e Schwizer Verlag mit Sitz im Glattpark z Opfike.

Gschicht

D Edition LEU isch 1976 vom Al'Leu und em Zitigsverleger Karl Kron as Verlag für nichtkommerzielle Literatur gründet worde. Am Aafang het er bibliophile Lyrik-Bänd veröffentlecht. E jährlech erschinendi internationali Lyrik-Anthologii mit Biträg us der Schwiz, us Öschtrich, Dütschland, Rumänie und de USA isch über mehreri Johr es witers wichtigs Verlagsprojekt gsi. Mitti vo de 1980er Johr het de Verlag mit em Erzählband Flucht zum reinen Wasser vom Wolfgang Mildenberger e Prosa-Reihe gschtartet. Schpöter si witeri Buechreihe i de Beriich Wüsseschaft und Kunst drzuecho. A sim drissgjöhrige Jubiläum hei d Verleger Martina und Al’Leu mit de Publikation vom Kriminalroman vo de Roswitha Wegmann Der Fall Arbenz afo e Krimi-Reihe usegä. Dr zweiti Roman vo der Krimi-Reihe, Bauernopfer von Res Perrot, isch für de Zürcher Krimipriis 2010 nominiert worde.

Mit de Gründig vo de Reihe Schweizer Persönlichkeiten, wo de Kurt Humbel derfür verantwortlech isch, isch de Chliiverlag Edition LEU 2013 in e Verlags- und Medien GmbH umgwandelt worde.

D Edition LEU isch Mitglid vom Schwizerische Buechhändler- und Verleger-Verband.

Kwelle

• D Verlagsgschicht uf de Website vo de Edition LEU
• Philippe Daniel Ledermann sinniert über seine Jugendzeit Bischpil von ere Edition LEU Läsig i de Jungfrau Zitig vom 28. November 2016