Diskussion:Liste der Redaktoren und Redaktorinnen des „Dicziunari Rumantsch Grischun“
Nöd besser e Nawigazioonslyschte mache?[Quälltäxt bearbeite]
Merci, Arkelin, für die toll Aarbet! Aber – wuur me statt dère Lyschte nöd besser wie bim Schwyzerischen Idiotikon e Nawigazioonslyschte mache und die under all Artikel stele, wos aagaat? Das schynti mer de besser Wääg z sy. Und dyni Lyschte daa chönti mer ja, wie im Artikel über s Idiotikon, au tiräkt in Artikel über s Dicziunari yboue. En liebe Gruez, --Freiguet (Diskussion) 11:37, 10. Feb. 2020 (MEZ)
- Hoi, Freiguet. Wenn öpper so ne Nawigazioonslyschte miechti und d Lyschten in Hauptartikel übernuum, wäärs mer au rächt. I wäär drfüür, die Lischte do den einewäg als Artikel no lo z stoo für zuesätzlichi Informazioone. – Öppis äänlichs wäär im Entwurf parat für s Glossaire uf dere Syte. E Gruess --Arkelin (Diskussion) 11:49, 10. Feb. 2020 (MEZ)
- Sali mitenander, d Navigationslyscht het s jetz do. --Holder (Diskussion) 13:22, 10. Feb. 2020 (MEZ)
- Schön gmacht, vile Dank. --Arkelin (Diskussion) 13:41, 10. Feb. 2020 (MEZ)
- Wä mer d Redaktoore in Artikel über s Glossaire übernimt – wurum bruuchts dänn dèè Artikel daa na? Du schrybsch, Arkelin, für zuesätzlichi Imformazioone – was wèèred dänn das fürtigi? Bis jetz staat daa nüüt, wo me nöd au deet chönt yboue. (Ich bin halt echli en Lyschte-Skeptiker, frööge mi amigs, für waas die würkli guet sind, eso loosglööst vom Theema, wos dezueghööred.) --Freiguet (Diskussion) 14:24, 10. Feb. 2020 (MEZ)
- Also i bi scho für d Lischte als eigeti Form zum Informazioone uf e praktischi Aart chönne zämezstelle. Es git es paar schöni Bischpiil. Und es isch mer lieber, i de Hauptartikel eifach e gueti mundartlichi Beschrybig vo der Sach z ha und eender wenig Normdate, Tabälle und äänliche Balascht (usgnoo d Navilyschte, wo ganz hilfrych sind, oder Wäärchlischte vo Autooren und so Sache). --Arkelin (Diskussion) 18:32, 10. Feb. 2020 (MEZ)
- Ich find s guet, ass es die Lischt git. As Naturwisseschaftler bin i s gwoont, Näme, Date un Fakte in ere ibersichtlige Lischt zämezstelle. Fir mii wäre aber au Tabälle un Normdate kai Ballascht fir Artikel. Schen find i s aber, ass mir do dr Autor*ne bi sonige Froge e großi Gstaltigsfreihait gän. --Holder (Diskussion) 18:55, 10. Feb. 2020 (MEZ)
- Daa bin i vilicht echli missverstande woorde. Au iich finde Lyschte guet, aber nach em läxikograafische Prinzip, das mer es Theema müglichscht sett a äim Oort abhandle und nöd uf verschidene Artikel verströie, find i s besser, wänn chürzeri Lyschten und Übersichte im Hauptartikel stönd. Klaar, gröösseri söttigi Sache tuet mer uuslaagere, zum der Artikel nöd spränge. Aber i de deWiki gits halt scho au Lyschte, wo me si cha frööge, für waas die würkli guet sind – daa han i dän amigs s Gfüül, daa heg sich öpper welen uusläbe oder es Wöörterbuech i d Wikipedia importieren oder soo. Aber ja, jetz bin i gspane, wies mit dère Lyschte daa wytergaat, es sell ja schynts zuesätzlichi Imformazioone gèè. En liebe Gruez vom --Freiguet (Diskussion) 10:38, 11. Feb. 2020 (MEZ)
- Ich find s guet, ass es die Lischt git. As Naturwisseschaftler bin i s gwoont, Näme, Date un Fakte in ere ibersichtlige Lischt zämezstelle. Fir mii wäre aber au Tabälle un Normdate kai Ballascht fir Artikel. Schen find i s aber, ass mir do dr Autor*ne bi sonige Froge e großi Gstaltigsfreihait gän. --Holder (Diskussion) 18:55, 10. Feb. 2020 (MEZ)
- Also i bi scho für d Lischte als eigeti Form zum Informazioone uf e praktischi Aart chönne zämezstelle. Es git es paar schöni Bischpiil. Und es isch mer lieber, i de Hauptartikel eifach e gueti mundartlichi Beschrybig vo der Sach z ha und eender wenig Normdate, Tabälle und äänliche Balascht (usgnoo d Navilyschte, wo ganz hilfrych sind, oder Wäärchlischte vo Autooren und so Sache). --Arkelin (Diskussion) 18:32, 10. Feb. 2020 (MEZ)
- Wä mer d Redaktoore in Artikel über s Glossaire übernimt – wurum bruuchts dänn dèè Artikel daa na? Du schrybsch, Arkelin, für zuesätzlichi Imformazioone – was wèèred dänn das fürtigi? Bis jetz staat daa nüüt, wo me nöd au deet chönt yboue. (Ich bin halt echli en Lyschte-Skeptiker, frööge mi amigs, für waas die würkli guet sind, eso loosglööst vom Theema, wos dezueghööred.) --Freiguet (Diskussion) 14:24, 10. Feb. 2020 (MEZ)
- Schön gmacht, vile Dank. --Arkelin (Diskussion) 13:41, 10. Feb. 2020 (MEZ)
- Sali mitenander, d Navigationslyscht het s jetz do. --Holder (Diskussion) 13:22, 10. Feb. 2020 (MEZ)