Diskussion:Jugendsprache

I ha emol e Bild ygfüggt wo Graffiti z'Badisch-Rhyfälde zeigt. S'bsunder isch dass die wo des drufgsprüht hen Alemannisch bnutzt hen. Also e sältenes Byspiil vo alemannischer Jugendsproch. Wenn dr Autor aber meint dass s'Bild do nüt relevant isch channers au wiider usenee. PS: Die Graffiti isch nüt vo mir, numme s'Foti. --Chlämens 21:48, 24. Sep 2006 (CEST)

Neutralität vum Artikel

Au dää Artikel isch no myyre Meinig vu vorne bis hinte POV, mit Literatur isch nyt beleit, glyych wie dr Artrikel Jugendwahn isch au des e Verriss vu dr hitige Gsellschaft. E sachligi Aanecherig ans Fänomen "Jugendsproch" isch des nit.

Am liebschte deet i do di ganze Passage uusneh, wu ich POV un nit neutral find, aber derno blybt vum Artikel nimmi vil ibrig. --Holder 13:37, 20. Feb. 2010 (MEZ)

Ich ha de Artikel au scho lenger uff mynrer Überarbeitigslischt un mach mich mool dra. En Grossdeil Ussage stimme zwar durchuss, en Deil chönnt mer wenigschtens als Aasichte vo Deil vo dr Gsellschaft erwääne, en Deil allerdings sin subjektivi Meinige. Scho de Begriff Verarmig in dr Yleitig: e „Verarmig“ vo dr Sprooch isch objektif nit feschtstellbar. Wenn ich mit Kanadier in mym Alter umgangssproochlichs Änglisch red, isch des bstimmt kei verarmti Sprooch, au wenn Sätz wie "wicked! that's, like, so fuckin awesome" usserhalb vo dere Gruppe als schlecht beurteilt werde. --Chlämens 14:16, 20. Feb. 2010 (MEZ)

Au de Link uf "Wie schriib i guets Alemannisch" ghört nöd do drii. --al-Qamar 11:24, 25. Feb. 2010 (MEZ)

Ich haa ne mol e Huufe uusegnuu, in däm Artikel sin vil Veränderige in dr Sproch, Veränderige zwische Dialäkt - Umgangssproch un Standardsproch as "Jugendsproch" deklariert wore (z. B. "ich war" statt "ich bii gsi"), des het aber wenig z due mit Jugendsproch sundern eifach mit ere Veränderig vu dr Alltagssproch v. a. Siddytschland. Ass dr Konjunktiv I-Schwund us dr Jugendsproch soll chuu, des haan i no nie ghert, fir des hätt i gärn e sprochwisseschaftlige Beleg. Dr Satz mit dr Verarmig haan i au uusegnuu, ohni Beleg isch des POV. au eso Sache wie Vokalisierig vum /r/ oder Forme wie "nich", "is", "hamwa" sin allgmeini Umgangssproch in ganz Dytschland un hän mit Jugendsproch nyt z due. Jugendsproch isch nit eifach alles, was d Sproch vu jingere Lyt vu dr Sproch vu eltere Lyt unterscheidet. Mer sott do ender e eige Artikel mache iber Veränderig im Alemannisch (aber ohni POV wie "Verflachig" oder "Verarmig") un des nit in dr Artikel Jugendsproch dryypacke, wu s nit dryy ghert. --Holder 18:16, 26. Feb. 2010 (MEZ)

Da mitem "abidere" isch onöd noitral formuliert. Da cha zwor vorchoo, aber nöd all Pädagoge und Eltere, wo "Jugedsprooch" bruuchet, möchtet sich abiidere (scho eener de Cheff - und Werbig bideret sich jo sowiso per Definition bim Chund aa ;-). Wani nöd novollzie cha, isch, wiso d Jugedsprooch aigni Grammatik haa söll. Uusdrück wie "super-" und "mega-" sind aigetli verstärchendi Vorsilbe, wos scho lang git. De Jugedlich wo sait: "I bi amene super Konzert" gsii, sait trotzdem "I bi amene megagaile Konzert" gsii". Jedi Sprooch kennt Wörter und Uusdrück, wo nöd flektiert werded, da het nünt mitre verändrete Grammatik z tue und onünt mitere Jugedsprooch. Übrigens het Jugedsprooch onünt mit Jugedwaan z tue (umgcheert aber u.U. scho). --al-Qamar 13:09, 3. Mär. 2010 (MEZ)

Also ich ha de Artikel jetz emool überarbeitet un de aktuelle Stand vo de Sproochwüsseschaft dargstellt. Er cha aber natürli no wyter verbessret werde, un im Abschnitt "Yystellige zur Jugendsprooch" chönne jetz jenschti Meinige uss de Zitige zitiert werde. Au interessant wäre natürli Forschige zur Jugendsprooch im alemannische Ruum. Es git zum Byspil Studie zur Sprooch vo Migrantechinder in de Schwiiz, wo interessant wäre, au wyl si d Vorurteil un volchtümlichi Meinige zimli wyderlege. Ich muess aber no luege ob des überhaupt scho publiziert worde isch. --Terfili 16:39, 22. Apr. 2011 (MESZ)