Didier Defago

De Didier Défago

De Didier Défago (* 2. Oktober 1977 z Morgins) isch en Schwiizer Skirennfahrer. Er fahrt Abfahrtsränne, Super-G, Riiseslalom und Super-Kombination, isch aber an de schnelle Diszipline am beschte. Bi de Olympische Spiil vo Vancouver het er am 15. Februar 2010 bi de Abfaart d Goldmedaille gwunne.

Karriere

De Didier Défago isch scho mit säschsi sis erschte Skirenne gfaare und sit em 1996 faart er im Ski-Wältcup.

Ab em 2000 isch er konschtant in de vordere Räng gsi und im 2002 isch er s erschti Mol uf em Podescht gschtande, wo-n-er z Kvitfjell Dritter isch worde. Au sin erschte Weltcupsiig isch us em 2002, wo ner am 20. Dezember z Gröde de Super-G gwunne het. Lang het de Défago als "ewige Talent" vom Schwiizer Skischport golte, wil er es grosses Potential het, aber meischt irgendwälchi Fehler bi de Renne ihm sini Siigchance gno hei. Im 2009i isch em aber am 17. Jänner en Siig am Lauberhorn glunge und numme e Woche schpöter em Haanekamm z Kitzbühel. De Höhepunkt vo sinere Karriere isch aber de Olympiasiig gsi, wo-n-er z Vancouver am 15. Februar 2010 d Abfahrt gwunne het.

Erfolg

Olympischi Spil

• Salt Lake City 2002: 6. Super-G, 12. Abfahrt, 14. Riseslalom
• Turin 2006: 14. Riseslalom, 16. Super-G, 26. Abfahrt
• Vancouver 2010: 1. Abfahrt, 15. Super-G

Weltmeisterschafte

• St. Anton 2001: 11. Super-G
• St. Moritz 2003: 7. Kombination
• Bormio 2005: 6. Abfahrt, 7. Super-G
• Åre 2007: 4. Superkombination, 10. Abfahrt
• Val-d’Isère 2009: 8. Super-G, 20. Riseslalom

Juniore-Weltmeisterschafte

• Hoch-Ybrig 1996: 1. Super-G, 2. Kombination, 3. Riseslalom, 4. Abfahrt, 9. Slalom

Weltcup

Wertige:

• Saison 2001/02: 7. Super-G, 7. Kombination
• Saison 2002/03: 7. Super-G, 7. Kombination
• Saison 2004/05: 6. Gsamtwertig, 3. Kombination, 4. Super-G
• Saison 2005/06: 9. Abfahrt, 9. Kombination
• Saison 2006/07: 9. Riseslalom
• Saison 2007/08: 9. Gsamtwertig, 4. Super-G, 9. Abfahrt
• Saison 2008/09: 6. Gsamtwertig, 3. Abfahrt, 3. Super-G

Sig:

Datum	Ort	Land	Disziplin
20. Dezember 2002	Gröden	Italie	Super-G
17. Jänner 2009	Wengen	Schwiiz	Abfahrt
24. Jänner 2009	Kitzbühel	Östriich	Abfahrt

Witeri Erfolg

• 2 Schwiizer Meistertitel (Abfahrt 2003, Riseslalom 2004)
• 2 Podestplätz bi Europacup-Renne
• 5 Sig bi FIS-Renne

Weblink

• Website vom Didier Défago (französisch)
• Statistik uf dr FIS-Websyte (änglisch)
• Didier Defago bei Ski-db (englisch)
• Didier Defago in dr Datebank vu Sports-Reference.com (änglisch)
• Churzporträt mit Foti