Demokratische Partei (USA)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Demokratischi Bardei
Democratic Party
S Logo vo dr Demokratische Bardei
Vorsitzende vo dr Bardei Debbie Wasserman Schultz
Vorsitzende vo dr Senatsfrakzioon Harry Reid (Mehrhäitsfüerer)
Daniel Inouye
(President pro tempore)
Vorsitzende im Representantehuus Nancy Pelosi
Gründig 1828 (modärni)
1792 (historischi Gründig)
Hauptsitz vo dr Bardei 430 South Capitol Street SE
Washington D.C.
20003
Usrichdig Amerikanische Liberalismus/Linksliberalismus
Amerikanische Progressivismus
Internazionaali Verbindige Allianz vo de Demokrate
Farbe Blau (inoffiziell)
Website www.democrats.org

Die Demokratischi Bardei (Democratic Party, Democrats) isch näbe dr Republikanische Partei äini vo de bäide groosse Parteie in de USA. D Demokrate gälte im Vergliich mit den Republikaner as weniger konservativ und mee am Progressivismus orientiert. S inoffizielle Wabbedier isch dr Esel, er isch aber im Geegesatz zum Elifant vo de Republikaner nie offiziell as Wabbedier aagnoo worde. Si Ursprung goot uf e amerikanisch Karikaturist Thomas Nast zrugg, grad so wie dr Elifant vo de Republikaner. D Parteifarb vo de Demokrate, wo au inoffiziell isch, isch blau.

Wie amerikanischi Bardeie im Allgemäine, isch d Demokratischi Bardei wääsentlig andersch organisiert as vergliichbari dütschi Bardeie. So wärde d Bezirksvorständ, je noch em Bundesstaat, zum Däil vo dr allgemäine Waalbevölkerig in Vorwaale und nit öbbe vo de Bardeimitgliider elläi gweelt. S wichdigste Organ für d Gsamtbardei isch s Democratic National Committee, wo au die Democratic National Convention veraastaltet. Die Vorsitzendi vom DNC isch zur Zit d Debbie Wasserman Schultz.

Mit em Barack Obama stellt d Partei sit em 20. Januar 2009 dr amtierendi (44.) Bresidänt vo de Veräinigte Staate. Bi de Kongrässwaale im Novämber 2010 häi d Demokrate iiri Meerhäit im Representantehuus verloore. Im Senat häi si allerdings immer no mee as d Helfti vo de Sitz und stelle mit em Harry Reid dr Majority Leader vo dr Chammere.

Weblingg[ändere | Quälltäxt bearbeite]

 Allmänd (Commons): Demokratische Partei – Sammlig vo witere Multimediadateie
Dä Artikel basiert uff ere fräie Übersetzig vum Artikel „Demokratische_Partei_(Vereinigte_Staaten)“ vu de dütsche Wikipedia.

E Liste vu de Autore un Versione isch do z finde.