Christiane Rösinger

d Christiane Rösinger

D Christiane Rösinger (* 6. Jänner 1961 z Raschti) isch e dytschi Musikeri un Schurnalischti.

Lääben un Wäärch

D Christiane Rösinger isch z Heilze bi Raschti ufgwachse un anne 1985 uf Wescht-Berlin zoge. Mitti 1980er Johr isch si dert im Umfäld vum „Fischbüro“ unterwägs gsii. Anne 1988 het si zäme mit dr Almut Klotz un em Funny van Dannen d Band Lassie Singers grindet, wu si 1998 ufgelst het. In däm Johr, 1998, het si au zäme mit dr Almut Klotz s Label Flittchen Records grindet. Syter anne 1998 isch d Christiane Rösinger dr Chopf vu dr Band Britta, wu si zäme mit dr Britta Neander un dr Julie Miess grindet het. Dernääbe schrybt si fir verschideni Zytige, u. a. taz, Tagesspiegel, Berliner Zeitung, „Berliner Seiten“ vu dr FAZ, vor allem iber Theme, wu s um Popmusik un Popkultur goht. Im Merz 2008 isch ihre erscht Buech, „Das schöne Leben“, uusechuu, wu si in churze autobiografische Täkscht vum Lääben uf em Dorf un vum Lääben in dr Stadt verzellt. Syt em Augschte 2008 schrybt si all Wuche ne Kolumne fir dr eschtrychisch Radiosänder fm4. Im Oktober 2010 het d Rösinger ihre erscht Soloalbum „Songs Of L. And Hate“ vereffetligt, fd Arrangschmänt het dr Andreas Spechtl vu Ja, Panik gmacht. Im Merz 2011 isch si mit em Album „Songs of L. and Hate“ fir dr Echo-Kritikerbryys nominiert gsii.

In dr 1990er Johr het si all Wuche d Veraastaltigsraie Flittchenbar in dr Maria am Ostbahnhof gmacht. Syt Dezämber 2010 veraastaltet si die musikalisch Theme-Gala all Monet im Kreuzberger Südblock.

Diskografy

• Lassie Singers: Die Lassie Singers helfen Dir. 1991, Sony Music/Columbia.
• Lassie Singers: Sei À Go Go. 1992, Sony BMG.
• Lassie Singers: Stadt, Land, Verbrechen. 1995, Sony BMG.
• Lassie Singers: Hotel Hotel. 1996, Sony BMG.
• Lassie Singers: Rest Of. 1998, Flittchen Records.
• Lassie Singers: Best Of. 1998, Flittchen Records.
• Britta: Irgendwas ist immer. 1999, Flittchen Records.
• Britta: Kollektion Gold. 2001, Flittchen Records.
• Britta: Lichtjahre voraus. 2003, Flittchen Records.
• Britta: Das schöne Leben. 2006, Flittchen Records.
• Christiane Rösinger: Songs of L. and Hate. 2010, Staatsakt.
• Christiane Rösinger: Lieder ohne Leiden. 2017, Staatsakt.

Bibliografy

• Das schöne Leben. Fischer, Frankfurt am Main 2008, ISBN 978-3-596-17595-6.
• Liebe wird oft überbewertet. Ein Sachbuch. Fischer, Frankfurt am Main 2012, ISBN 978-3-10-092946-4.
• Berlin – Baku. Meine Reise zum Eurovision Song Contest, Fischer, Frankfurt am Main 2013, 224 S., ISBN 978-3-10-092945-7.
• Zukunft machen wir später. Meine Deutschstunden mit Geflüchteten, Fischer, Frankfurt am Main 2017, 224 S., ISBN 978-3-596-29804-4.

Weblink

 Commons: Christiane Rösinger – Sammlig vo Multimediadateie

• Offiziälli Homepage
• Prekär, frei und Spaß dabei! in dr Internet Movie Database
• Info un Link uf single-generation.de
• Jana Sittnick: Wohnen in Berlin: Sängerin Christiane Rösinger und ihre rote Couch in Kreuzberg Leben im Liegen. In: Berliner Zeitung vum 23. Dezämber 2000
• Pinky Rose: Ein Knaller aus Berlin. zeit.de vum 12. Apr. 2006
• Ingo Reiff: Christiane Rösinger – „Das sind immer so dumme Stereotypen“. Crazewire.de vum 16. Februar 2011
• Acoustic Video Session von ‚Depressiver Tag‘, ‚Liebe wird oft überbewertet‘ und ‚Ich muss immer an dich denken‘, April 2008.
• Rösinger Christiane Rösinger bi Discogs (änglisch)

Fueßnote

Dä Artikel basiert uff ere fräie Übersetzig vu dere Version vum Artikel „Christiane_Rösinger“ vu de dütsche Wikipedia. E Liste vu de Autore un Versione isch do z finde.