Benutzer:Renschi81/in Bearbeitig/Baseball

Baseball an de Europameischterschafte 2010

Baseball in de Vereinigte Staate

Baseball isch en Ballsportart wo in Mannschafte gspilt wird und us de Vereinigte Staata chunt. Normalerwis duret es Spiil nüün Durchgäng (Innings), wär in dera Ziit meh Pünkt (Runs) macht het gwunne.

Wo wirds gspilt

Baseball spilt me mitlerwiile überall uf dr Wält. Bsunders verbreitet isch es in Nordamerika, dr Karibik, Ostasie und Australie. In Europa isch ds Spiil immer meh verbreitet, aber uf ned so hochem Niveau wia in de andera Kontinent.

Spiilablauf

Video wo d Regla erchlärt (Ogg-Format)

Gspilt wird in Mannschafte zu je nüün Spiler. Ziil isch es meh Pünkt z mache als dr Gägner.

Abwächslend isch ei Mannschaft im Agriff (Offense) und ei Mannschaft in der Verteidigung (Defense). Di agfriffend Mannschaft probiert durch z träffe vom Ball mit em Schläger dr Ball mögligscht wiit wäg z schla damit d Läufer zum nögschte sichera Punkt (Base) z renna. D Verteidiger probierend dr Ball z fange und so schnell wia möglich zrugg zu enara Base z bringe. Sind d Verteidiger schneller als d Läufer scheidet dr Läufer us. Wenn dr Läufer s schafft alli drü Pünkt z erreiche und wieder am Start azcho macht är en Punkt (Run).

Witeri Möglichkeite das öpper vo dr agriffende Mannschaft usscheidet isch wenn är dr Ball drü mal ned trifft oder wenn är mit em Ball berüart wird. Nach drü usgeschidne Läufer wird gwächslet.