Benedikt XVI.
Us der alemannische Wikipedia, der freie Dialäkt-Enzyklopedy
De Benedikt XVI. (* 16. April 1927 in Marktl (Bayern); latinisch Benedictus PP. XVI; bürgerlich Joseph Alois Ratzinger) isch als Papst Oberhaupt vo dä römisch-katholische Chile und em Staat Vatikan.
Vor sim Pontifikat isch er z'letzt Dekan vom Kardinalskollegiums und Präfekt vo dä Kongregation für d'Glaubenslehr gsie. Er hät als eine vo dä einflussriichste Kardinäl und als theologische und chilepolitische rechti Hand vom frühnere Papst Johannes Paul II. gulte. Im Konklave vom 19. April 2005 isch er vo 115 teilnehmende Kardinäl im vierte Wahlgang (nachere unerwartet kurze Konklavduuer vo nur 26 Stunde) zum Nachfolger vom Johannes Paul II. gewählt worde.
