S Archiiv vo dr mission 21
| S Archiv vo dr Baasler Mission
| |
|---|---|
 S Archiivgeböid vo dr Baasler Mission | |
| Ort | Baasel |
| Bsuecheradrässe | Missionsstrooss 21 |
| ISIL | CH-000469-3 |
| Website | http://www.mission-21.org |
| Dialäkt: Baseldütsch |
S Archiiv vo dr mission 21 isch es privaats Archiiv i dr Schwiiz.
Es befindet sich an dr Missionsstrooss 21 z Baasel. Es isch en interdisziplinäre Forschigsstandort, wo für alli offe isch.
S Archiv stoot uf dr Liste vo de Kulturgüeter im Kanton Baasel-Stadt, wo nazionali Bedütig häi.
S Archiiv enthaltet schriftligi, visuelli und kartografischi Kwelle, wo sich uf d Gschicht vo dr Mission und dr Kolonialzit bezien, uf interkulturelli Theologii und uf d Kulturgschicht von e Hufe Regione uf dr Wält. Bsundrigs guet dokumentiert isch alles, wo mit dr Baasler Mission z Ghana, Indie, China, Kamerun und Kalimantan/Indonesie z due het. Es git au vil Material us afrikanische, asiatische und latiinamerikamische Länder, wo d mission 21 und iiri Dräägerveräin angaschiert si. Uf dr äinte Site het s Archiv d Ufgoob, d Akte fachgrächt z konserwiere, uf dr andere si eme bräite Publikum zuegänglig z mache, das under anderem au mit Usstellige im Baasler Missionshuus, ere Freihandbibliothek, eme Lääsisaal in dr Kapälle und ere interaktive Website.
S Archiv isch Mitgliid im Verbund Baasel, wo Bibliotheke vo Institut, Seminar und Klinike vo dr Uniwersidäät Baasel, vo Museum und Fachhoochschuele und anderi Bibliotheke drzueghööre, wo dr Universidäät nooch stönde.
Kwelle
[ändere | Quälltäxt bearbeite]- Archiv uf www.mission-21.org, abgrüeft am 7. Juni 2014
Weblingg
[ändere | Quälltäxt bearbeite]
Commons: Mission 21 (Basel) – Sammlig vo Multimediadateie- BM Archives, Basel Mission/mission 21
Koordinate: 47° 33′ 33″ N, 7° 34′ 43,3″ O; CH1903: 610542 / 267615