Anastasia Rauch
| Dialäkt: Mìlhüüserdiitsch |
D’ Anastasia Rauch, àui aifàch d’ Anastasia gnännt, ìsch a elsassischa Sangera-n-üss Mìlhüüsa. Ìhr Müüssikschtil ìsch a Mìschung vu Chanson, Pop,[1] Hip-Hop[2] un Soul.[3] Sa sìngt numma-n-uff Frànzeesch.
ìhr Laawa un Kàrriar[ändere | Quälltäxt bearbeite]
D’ Anastasia Rauch ìsch ìm Elsàss uffgwàcksa. Ìhr Vàtter un Groossvàtter sìnn Amateur-Müüssikànta gsìì. Àls Amateurin hàt d’ Rauch z’äärscht Gitàrra gschpìelt un Punk-Rock gsunga. Schpeeter hàt sa fànga-n-àà Reggae sìnga. Sa hàt Müüssikwìssaschàft gschtudiart.[4] Vor àm Ààfàng vun ìhrer Solokàrriar ìsch d’ Rauch Sangera-n-ìn dr Band Les Dessous de la Vie gsìì, wo mehr àss 300 Konzärta gaa hàt.[2][5]
Ìhra Solokàrriar hàt d’ Rauch ìm Harbscht 2013 ààgfànga.[2] Ìhr äärscht Àlbum Beau Parleur ìsch àm 8. Àwrìl 2013 unter’m Pàriiser Label Musicast ärschìena.[3] Dr Schtiil vum Àlbum ìsch viilfaltig.[6] Doo druff hàt d’ Rauch uff mehrera Konzärta gsunga, un ìsch bii da Faschtschpìeler Francofolies z’ La Rochelle ufftratta. Uff dr Bììhna hàt sa àui zamma mìt’m M, dr Jane Birkin un dr Brigitte Fontaine gsunga.[3] Schpeeter hàt d’ Rauch àls Vokàlìscht àm Àlbum Mauvais Sentiments vum frànzeescha Kìnschtler Batlik mìtgmàcht. S’ Wark ìsch ìm März 2014 üüssagànga.
Àm 4. Dezamber 2015 ìsch ìhr zwait Àlbum Aqua Toffana ärschìena. Veräffentligt worra-n-ìsch’s eewafàlls vu Musicast, dàsmol àwwer ìn Pàrtnerschàft mìt’m Schtroossburjer Label #14 Records. Àui dàs Wark ìsch sehr viilfaltig ìm Schtiil.[2] Uff’m Àlbum sìnn àui d’ Kìnschtler Batlik, Alexis HK, Lautrec un Faudile de France z’ loosa.[3]
Àm Andsjoohr 2017 ìsch d’ Rauch uff Pàriis gànga ge ìhr drìtt Àlbum Sirop d’orage[7] ìm Schtüdio Ferber unter dr Laitung vum Renaud Letang uffnamma. Urschprìnglig hàt a Pàriiser Produkzioonsunternamma s’ Projakt solla finànziara, àwwer wahrem Uffnamma vum Àlbum sìnn finànziälla Problääma gsìì. Finànziart worra-n-ìsch àlso s’ Projakt dur klaina Prìwààtschpanda.[8] Àm Ààfàngsjoohr 2022 ìsch Ton cœur à remonter, s’ äärschta Liad vum drìtta-n-Àlbum, üüssagànga. S’ Liad hàt d’ Rauch ànna 2018 zamma mìt’m Renaud Letang z’ Pàriis uffgnumma ghàà. S’ Video vum Liad ìsch ìn’ra ehamààliga Fàwrìk z’ Attisholz ìm Schwiizer Kàntoon Soledurn dräijt worra.[9] Wittera Liader vum kìnftiga-n-Àlbum hàt d’ Rauch ìm Hornung 2022 bii’ma Konzärt z’ Mìlhüüsa-n-uffgdäckt.[7]
Noch hìtt labt d’ Rauch z’ Mìlhüüsa. Ànna 2021 hàt sa ìhr äärscht Kìnd uff d’ Walt gebrocht.[4]
ìhra Diskogràfii[ändere | Quälltäxt bearbeite]
- Schtüdio-Àlba
- 2013: Beau Parleur (Abrûlepourpoint / Musicast)
- 2015: Aqua Toffana (#14 Records / Musicast)
Weblìnks[ändere | Quälltäxt bearbeite]
- d’ Anastasia Rauch bi Discogs (änglisch)
- Ìn dr Anastasia Rauch ìhr offiziäller YouTube-Kànààl (frànzeesch)
Ainzelnoohwiisa[ändere | Quälltäxt bearbeite]
- ↑ Justine Phalippou: Le clip d’ Anastasia Rauch, "Ton coeur à remonter". In: Longueur d’ondes. 26. Februar 2022, abgruefen am 27. Juli 2022 (französisch).
- ↑ 2,0 2,1 2,2 2,3 Charly Ouate: Dégustation mortelle avec Anastasia le 14 janvier à l’Illiade. In: Rue89 Strasbourg. 10. Januar 2016, abgruefen am 27. Juli 2022 (französisch).
- ↑ 3,0 3,1 3,2 3,3 a Laawesbschriiwung vu dr Anastasia Rauch bii FrancoFans, àbgrüafa-n-àm 27. Jüüli 2022 (frànzeesch).
- ↑ 4,0 4,1 Éric Genetet: Anastasia Rauch – Cœur palpitant. In: Maxi Flash. 21. Februar 2022, abgruefen am 27. Juli 2022 (französisch).
- ↑ Les dessous d'Anastasia. In: chansonfrancaise.blogs.sudouest.fr. 11. März 2013, abgruefen am 27. Juli 2022 (französisch).
- ↑ Michel Kemper: La belle surprise Anastasia. In: Nos Enchanteurs. 12. Mai 2013, abgruefen am 27. Juli 2022 (französisch).
- ↑ 7,0 7,1 C. S. C.: Mulhouse : la chanteuse Anastasia de retour sur scène en bonne compagnie. In: L’Alsace. 28. Februar 2022, abgruefen am 27. Juli 2022 (französisch).
- ↑ Thierry Boillot: Work in progress : Anastasia Rauch, un album sur le feu. In: L’Alsace. 7. August 2020, abgruefen am 27. Juli 2022 (französisch).
- ↑ Thierry Boillot: Le cœur battant d’Anastasia Rauch. In: L’Alsace. 17. Februar 2022, abgruefen am 27. Juli 2022 (französisch).