Amir Peretz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Peretz, 2006

Amir Peretz (hebräisch: אמיר פרץ uf d Wält cho am 9. Merz 1952 z Boujad, Marokko) isch en israelische Politiker und Gwärkschafter. Sit em Dezember 1995 isch er dr Vorsitzendi vom israelische Gwärkschaftsbund, dr Histadrut, gsi. Vo 2005 bis 2007 isch er dr Vorsitzendi vo der Arbetspartei und vo 2006 bis 2007 au Verdeidigungsminister vo Israel gsi.

Im Juni 2007 isch er vom Ehud Barak as Parteichef und Verdeidigungsminister abglöst worde.[1] Er isch aber als Minister ohni Portefeuille im Kabinett vom Ehud Olmert bliibe.

Läbe[ändere | Quälltäxt bearbeite]

1973 isch dr Amir Peretz im Jom-Kippur-Chrieg schwer am Bei verletzt worde. Si letzt Dienstgrad bi de Fallschirmjeger isch Hauptmä gsi. 1983 het er für d Arbetspartei d Bürgermeisterwahl z Sderot gwunne und het eso ere lange Periode es Ändi gmacht, wo d Stadt vom Likud und der Nationalreligiöse Partei (Mafdal) gregiert worden isch. 1988 isch er Abgeordnete in der Knesset worde. 1999 het er d Arbetspartei verlo und d Am Echad Partei gründet, wo 1999 bi de Knessetwahle zwei Sitz und 2003 drei Sitz übercho het. Im Summer vo 2004 hai sich Am Echad und d Arbetspartei zsämmegschlosse.

Bin ere Mitgliiderurabstimmig am 9. November 2005 für dr Boste vom Vorsitzende vo der Arbetspartei het dr Peretz gwunne mit 42,35 %. Dr Parteipresidänt Schimon Peres het nume 39,96 % und dr Benjamin Ben Eliezer het 16,8 % vo de Stimme übercho. Dr Peretz het denn gsait, ass er d Koalition mit em Likud nit wurd wiiterfüehre.

In der neue Koalition mit der Kadima-Partei und der Pensionäre-Partei under em Ministerpräsident Olmert isch dr Amir Peretz Verdeidigungsminister worde. Noch em Libanonchrieg im Summer 2006, wo z Israel allgemein as Misserfolg agluegt worden isch, het dr Peretz immer meh vo siiner Popularität verlore, und si politisch Handligsspiilruum isch stark iigschränkt worde. Dr Winograd Undersuechigsusschuss zum Libanonchrieg vo 2006, wo vo der israelische Regierig igsetzte worden isch, het en scharf kritisiert.[2]

Weblingg[ändere | Quälltäxt bearbeite]

Nowiis[ändere | Quälltäxt bearbeite]

  1. Haaretz-Daily-Artikel zur Amtsiifüehrig
  2. Süddeutsche Zeitung: Heftige Vorwürfe gegen Olmert „Schwerwiegendes Versagen“ 30. April 2007
Dä Artikel basiert uff ere fräie Übersetzig vum Artikel „Amir_Peretz“ vu de dütsche Wikipedia.

E Liste vu de Autore un Versione isch do z finde.