Alti Muusig

Alti Muusig bezäichnet öiropäischi Muusigstil us verschiidene Epoche bis öbbe zum Joor 1750. Si umfasst d Muusig vom Middelalter, d Muusig vo dr Rönessans und vom Barock, aber nit d Muusig vo dr Antike. Für die zämme mit dr Muusig vom Middelalter wird d Bezäichnig „Früeji Muusig“ verwändet.

S Uffüere und Ufnee vo Alter Muusig isch im Wääsentlige e Domäne vo spezialisierte Musiker und Ansambel, wil mä bsundrigi historischi Muusiginstrumänt muess kenne und vil Fach- und Braxiswüsse über d Gschichte vo dr Muusig, d Instrumäntekund, Spiilwiise, Stimmigssüstem usw. muess haa, zum usezfinde, wie d Muusig in früenere Epoche cha döönt haa.

Bim Rekonstruiere stützt mä sich uf Bilddokumänt und Noteteggst. Alti Muusig isch zwar z Ängland mit relativ weenig Lugge vo Generazion zu Generazion überliiferet worde, aber d Muusig het sich bim Witergee (Dradiere) halt doch gänderet.

Weblingg

• Early Music Network (änglisch)
• Early Music FAQ (änglisch)
• Ensembles für Alte Musik in Deutschland
• Forum für Alte Musik

Dä Artikel basiert uff ere fräie Übersetzig vum Artikel „Alte_Musik“ vu de dütsche Wikipedia. E Liste vu de Autore un Versione isch do z finde.