Alte Meister
Under de Alte Mäister duet mä in dr Kunst d „Mäister vo dr Moolerei“ vom 14. bis zum 18. Joorhundert und iiri Wärk zämmefasse. In deere Zit si bsundrigs geegeständligi Gmäld entstande, wo zerst fast usschliesslig religiöösi Motiiv ghaa häi, spööter aber au wältligi.
Allgemäiner bezäichnet mä historischi Künstler vo alle Zite churz as Mäister, vor allem wenn iiri Nääme nit bekannt si wie öbbe „die alte Mäister vom griechische Tämpelbau“.
Sammlige vo „Alte Mäister“
[ändere | Quälltäxt bearbeite]Im dütschsproochige Ruum git s die Sammlige vo Alte Mäister:
- Akademie der bildenden Künste, Wien
- Alte Pinakothek, Münche
- Gemäldegalerie, Berlin
- Gemäldegalerie Alte Meister, Dresde
- Gemäldegalerie Alte Meister, Kassel
- Herzog Anton Ulrich-Museum, Braunschweig
- Kunsthistorisches Museum, Wien
- Liechtenstein Museum, Wien
- Residenzgalerie Salzburg, Salzburg
- Schloss Eggenberg, Graz
- Schloss Rohrau, Rohrau (Niideröstriich)
- Staatsgalerie Stuttgart, Stuttgart
- Städel, Frankfurt am Main
- Wallraf-Richartz-Museum, Köln
- Hamburger Kunsthalle, Hamburg
- Kunstmuseum Basel
Witeri bedütendi öiropäischi Sammlige vo Alte Mäister git s in de Museum vo Bariis, Floränz, Rom, Madrid, Brüssel, Antwärpe, Den Haag, Amsterdam, Rotterdam, London, Edinburgh, Budapest und Sankt Petersburg. In Amerika het die National Gallery of Art z Washington DC hervorragendi Wärk vo Alte Mäister.
Weblingg
[ändere | Quälltäxt bearbeite]- Alte Meister, In: Das grosse Kunstlexikon von P.W. Hartmann, Online-Ausgabe, Aufgerufen Januar 2010