Alpenapollo

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Alpe-Apollo
Parnassius pheobus.jpg

Alpe-Apollo (Parnassius phoebus)

Systematik
Chlass: Insekte (Insecta)
Ordnig: Falter (Lepidoptera)
Familie: Ritterfalter (Papilionidae)
Underfamilie: Parnassiinae
Gattig: Parnassius
Art: Alpe-Apollo
Wüsseschaftlige Name
Parnassius phoebus
(Fabricius, 1793)

De Alpe-Apollo (Parnassius phoebus) isch e Summervogel, wo i de Alpe lebt. Er ghört zo de Arte, wo d Gfoor bistoot, as er uussterbe tuet.

Vorchoo[ändere | Quälltäxt bearbeite]

De Alpe-Apollo chunnt nume selte vor und isch nume i de Alpe z finde. Er lebt i de Berge zwöschet 1500 und 2600 müM. vor, mag nassi Plätz und füechti Häng.

Uussie[ändere | Quälltäxt bearbeite]

De Alpe-Apollo isch e brüünliche Summervogel mit ere Spannwiiti vo 60 bis 70 mm. D Flügel sind hellbruu und am Rand dunkelbruu. Uf de Vorderflügel het er drai schwarzi Tupfe und zwee rooti Tupfe miteme schwarze Rand. Uf de Hinderflügel het er je zwee rooti Tupfe mit eme schwarze Rand und emene wiisse Flecke i de Mitti. De Körper isch bihoort. Sini Füeller sind scharz-wiis gringlet.

Jooreszyklus[ändere | Quälltäxt bearbeite]

D Raupe öberwinteret i Worzle und fönd erst im Mai aa fresse. Si verpupped sich im Juni, debi chöned d Puppe längeri Ziit au im Wasser lige. De Falter schlüfft im Juli und flüügt bis in Augste, bsunders i de Nööchi vo Bergbäch

Raupe[ändere | Quälltäxt bearbeite]

D Raupe werd zwösched 45 und 50 mm lang. Si isch schwarz und het chorzi Höörli, wo uf Warze stönd, uf de Siite hett si rööti Tupfe. Si isch uf de immergrüeni Bach-Staibrech (Saxifraga aizoides) spezialisiert.

Lueg no[ändere | Quälltäxt bearbeite]