Ala

D Ala isch e luwischi Göttin, wo zeme mittem Hirschgott Rundiya vereert woren isch. Wie de isch si e Gotthait vo de Wildnis und vo de Jagd. I de neohethitische Zitt isch si mit de Göttin Kubaba verschmulze. Si hett bi Ancoz, emene Ort am Euphrat, wo hütt vom Atatürkstausee öberfluetet isch, zeme mitem Rundiya e Hailigtum ghaa, wo au anderi Gotthait, wie de Sunegott Tiwad und de Berg Hurtula vereert wore sind. Vermuetli isch di antiiki Göttin Perasia, wo mit de Artemis und de Kubaba gliichgsetzt woren isch, e spooti und lokaali Form vo de Ala.

Literatur

• Volkert Haas: Geschichte der hethitischen Religion (= Handbuch der Orientalistik, Band 1,15). Brill, Leiden 1994, ISBN 978-9-004-09799-5.