Ymmo

Dr Ymmo († 30. Oktober 984) isch Apt vom Chlooschter Sanggalle gsi.

Me weis vo iim, ass er anne 973 dr Dekan vo Sanggalle worden isch. Drü Joor spöter het en dr Konvänt zum Apt gwäält. Wil s Chlooschter Sanggalle diräkt em Rych understanden isch, het en dr Kaiser Otto dr Zwöit is Ampt ygsetzt. Es gitt drü Urkunde, wo iin erwääne, die sind uff 976, 980 und 981 datiert.

Dr Apt Ymmo het, so wird überliferet, druff gluegt, ass me i sym Chlooschter dr Regle vom Heilige Benedikt gnau nocheläbt und ass es em wirtschaftlig guet goot.

Literatur

• Veronika Feller-Vest: Ymmo. In: Historisches Lexikon vo dr Schwiiz.