William Petty

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
William Petty

Dr Sir William Petty (* 27. Mai 1623 z Romsey in dr Groofschaft Hampshire; † 16. Dezämber 1687 z London) isch en Ökonoom, Wüsseschaftler und Filosoof gsi. Er gältet as dr Vater vo dr änglische Nazionalökonomii.[1] Dr William Petty het zu de Gründermitgliider vo dr Royal Society ghöört.

Läben und Wirke[ändere | Quälltäxt bearbeite]

1654 het er vom Oliver Cromwell d Ufgoob überchoo, ganz Irland in e Kataster ufznee. Mit däm sogenannte Down Survey isch er 1656 fertig worde. Vo 1666 het er sich vor allem mit em Woolstand vo Irland beschäfdigt, und er het e hufe Middel vorgschlaage, wie sich s Land us sinere Rückständigkäit chönnt befreije. Vo de Arbäiter het er nid grad vil ghalte. Vom Staat het er e Politik vom laissez-faire gforderet. Er isch drfür gsi, iiri Löön uf e Minimum z beschränke, wil er dänggt het, ass si umso füüler wurde, je mee si wurde verdiene.

Er het nid nume sini diräkte Noochfolger wie dr Richard Cantillon beiiflusst, sondern au e baar vo de grösste ökonomische Dänker wie dr Adam Smith, dr Karl Marx, wo von em gsäit het, er sig e „friwole, blünderigssüchtige und charakterlose Abentüürer“ gsi, oder dr John Maynard Keynes.

Wärk[ändere | Quälltäxt bearbeite]

  • A Treatise of Taxes and Contributions (1662)
  • Political Arithmetic posthum. (approx. 1676, pub. 1690)
  • Verbum Sapienti posthum. (1664, pub. 1691)
  • Political Anatomy of Ireland posthum. (1672, pub. 1691)
  • Quantulumcunque Concerning Money posthum. (1682, pub. 1695)

Litratuur[ändere | Quälltäxt bearbeite]

  • Heino Klingen: Politische Ökonomie der Präklassik. Die Beiträge Pettys, Cantillons und Quesnays zur Entstehung der klassischen politischen Ökonomie. Metropolis Marburg 1992. ISBN 3-926570-59-8. S. 23-66.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Karl Marx: Zur Kritik der politischen Ökonomie. Franz Duncker, 1859; MEW Bd. 13, S. 38f. Anm. *.
Information icon.svg Dä Artikel basiert uff ere fräie Übersetzig vum Artikel „William_Petty“ vu de dütsche Wikipedia.

E Liste vu de Autore un Versione isch do z finde.