Wikipedia:Wp/swg/Donau

Us der alemannische Wikipedia, der freie Dialäkt-Enzyklopedy

D´ Donau isch nåch dor Wolga dor zwåedlängschde Schdrom en Europa. Je nåch Definizio isch se 2845 km (vo dor Donauquell en Donaueschinge â gmessa) odor 2888 Kilomedor (vor dor Bregquell â) laang. Båede Âfeng liged en dor Baar. Se durchquerd ´s nerdliche Albavorland, d´ Pannonische Tiefebene und ´s Rumänische Tiefland. Bei der Gelegahaed endwässered se weide Doel vom sidlicha Middleiropa und Sidoschdeiropa. D´ Donau haird uf emma ausdehnda Delda zom Schwarza Meer. Des Delda dort isch wäaga saenor ökologischa Bedeidong a Biosphärareservad.