Wikipedia:Tutorial/5

Us der alemannische Wikipedia, der freie Dialäkt-Enzyklopedy
Tutorial-Logo
Tutorial-Logo
Wikipedia-Tutorial
Tutorial-Logo
Tutorial-Logo
1. Bearbeitige mache | 2. Teggschtgstaltig | 3. Bilder yybaue | 4. Syte neu aalege | 5. Diskussionssyte | 6. Schlusspunkt

Uff dere Syte wird erklärt, wie de chasch uff Diskussionssyte kommentiere.

Mangmool het mer e Froog, e Kritikpunkt, Lob oder sunscht e Kommentar wommer wott mitteile. Für des git's d Diskussionssyte, wo de bi jedere Syte obe links in de Leischte gseesch. Wänn de jetz öbis uff d Diskussionssyte schrybe wottsch, no druggsch eifach uff de Chnopf.
Jetz chasch dyn Kommentar dezueschrybe. Zum Schluss söttsch dyn Bytrag no unterschrybe. Zum unterschrybe setz eifach --~~~~ hinter dyn Kommentar. Des wird deno noochem spyychere automatisch zunere Signatur, wo dyn Benutzername un s Datum debistoot. Dass des yygsetzt wird, chasch au eifach uff de Chnopf mit em Bleistift drugge, wo im Bild rächts rot markiert isch. Unterschrybe isch wichtig, wyl so cha mer d Kommentar uff ere Diskussionssyte zueordne. Jetz muesch unte no wie immer uff „Syte spyychere“ drugge.
Wenn scho emool öbis uff d Diskussion gschriibe worde isch, un du e neus Thema wottsch aafange, no goot des am eifachste wemmer uff „Abschnitt zuefiege“ druggt, un deno wie sunscht au s Kommentar schrybt, de Betreff ussfüllt, unterschrybt, un uff spyychere druggt.
Byspil So wird's aazeigt
Demit mer die verschidene Diskussionsbyträg cha vonenand unterscheide, chasch dyn Kommentar yyrugge. Des macht mer, indäm mer bi jedem Kommentar ei Doppepunkt mee devorsetzt. De Kommentar stoot ganz links.

:De Kommentar isch e weng nooch rächts yygruggt.
::De Kommentar isch no mee nooch rächts yygruggt.

De Kommentar stoot ganz links.
De Kommentar isch e weng nooch rächts yygruggt.
De Kommentar isch no mee nooch rächts yygruggt.
Probiers emool im Sandchaschte uss!