Wikipedia:Schopf/Altersstängeli

Us der alemannische Wikipedia, der freie Dialäkt-Enzyklopedy

Definition "Altersstängeli"[Quälltäxt bearbeite]

Das Wort setzt sich imprinzip us zwei Wörter zäme: "Alter" und "Stängeli". Die Definition Alter sött allgemein bekannt si. Es Stängeli, das gits sälte im Sport, namentlich Fuessball oder Ishockey, wänn e Mannschaft 10 Goals schüüst, das nänntme es Stängeli. Altersstängeli isch somit d Kombination vo dene bedne Wörter und bedütet nöd meh s Alter vo 10 Jahre.


S Altersstängeli cha nume eimal erreicht werde, und das isch, wäme de 10i Geburtstag fiired. Es zweits Altersstängeli (das wär, wäme 20i wird), gits nöd, well das sozäge out of range liit. Als Verglich: Im sportliche Bereich sind au no nie 20 Goals erreicht worde von nume einere Mannschafte ide reguläre Spielzyt.


Für es paari isch s Altersstängeli vo hocher Bedütig, well

  • De ersti Geburtstag, wo zweistellig isch
  • s Altersstängeli wird erfüllt
  • s Gfühl erläbe, jetzt langsam en Grosse zwerde
  • es Jahr älter werde

Für anderi staht nach wie vor s Geburtstagsfästli im eigete Garte und d Gschänkli im Vordergrund. Wo sich hingäge d Geister tränned, isch, weshalb me am 20. Geburtstag viel meh Bedütig zuewiist als bim Altersstängeli.