Wältdierschutzdaag
Dr Wältdierschutzdaag isch e internazionaale Akzioonsdaag fir dr Dierschutz, wu am 4. Oktoober begange wiird.
Gschiicht[ändere | Quälltäxt bearbeite]
Dr Wältdierschutzdaag goot uf e Voorschlaag vum Schriftsteller Heinrich Zimmermann us em Joor 1924 zrugg. Är het derno am 24. Meerz 1925 en eerschte Dierschutzdaag z Berlin organisiert, wu rund 5000 Lyt chuu sin. Är het dooderfiir in syre Zytschrit „Mensch und Hund“ gwoorbe ghaa. Vum 12. bis 17. Mai 1929 isch Wien zum dritte Mool dr Uusdraagisoort vum Internazionaale Dierschutzkungräss gsii, wu d Verdrätter*ne vu 152 Dierschutzverain us 32 Länder derbyy gsii sin. Dr Kungräss het e 23-Pinkt-Foorderigskateloog verabschiidet. Punkt 23 het d Yyfierig vun eme „Dierschutzdaag“ voorgsää. Am 8. Mai 1931 het mer derno bim Internazionaale Dierschutzkungräss z Floränz fir dr 4. Oktoober dr eerscht internazionaal „Wältdierschutzdaag“ verchindet.
Am Wältdierschutzdaag git sin vyyl Länder Akzioone rund um dr Dierschutz. Dierschutzverain informiere iber aartgräächti Dierhaltig, mache ufmeerksaam uf d Situazioon in Dierhaim un Kampagne geege Dierqueelerei un geege Dierversuech.
An däm Daag maant mer an dr Hailig Franz vu Assisi, wu am Oobe vum 3. Oktoober 1226 gstoorben isch. Wel noch em doomoolige reemisch-antiike Verständnis d Zyt no Sunneuntergang scho zum negschte Daag zellt, also zum 4. Oktoober, isch där dr Namesdaag vum Franz woore. Dr Franz giltet as Grinder vum Franziskaaneroorde, volksdiimlig woore isch er vor allem dur syni Dierpreedige.
Weblink[ändere | Quälltäxt bearbeite]
Commons: Welttierschutztag – Sammlig vo Multimediadateie