Walter Ulbricht

Us der alemannische Wikipedia, der freie Dialäkt-Enzyklopedy
dr Walter Ulbricht (1950)

Dr Walter Ulbricht (* 30. Juni 1893 z Leipzig, † 1. Auguscht 1973 z Groß Dölln, Gmeind Templin, Brandeburg) isch dr füehrendi Politiker von dr früehe DDR gsii.

Er isch 1928 Mitgliid vom Rychstag vo dr Weimarer Republik worde. Nach dr Machtergriifig vom Hitler 1933 isch er nach Prag, und 1938, wiider uuf dr Flucht vor de Nazis, in d Sowjetunion emigriert. 1946 isch er Mitbegründer von dr SED gsii und dört schtellverträtende Sekretär worde. 1949 bis 60 isch er schtellverträtende Minischterpräsidänt vom Land gsii, und 1960 bis 1973 schliesslich Schtaatsrat-Vorsitzende, das heisst Schtaatschef von dr DDR. Dr Ulbricht isch di triibendi Chraft bim Bau vo dr Berliner Muur 1961 gsii.

D Pressekonferänz vom 15. Juni 1961[ändere | Quälltäxt bearbeite]

Am 15. Juni 1961 het der Walter Ulbricht e Pressekonferänz gä. Nach der Usag vom Rainer Holbe isch es bi dere Pressekonferänz um d Versorgigslag i der DDR gange. D Annamari Doherr wo der Reiner Holbe a die Pressekonferänz mit gno het, het du im Walter Ulbrich e Frag gstellt.

Doherr: "I möchti e Zuesatzfrag stelle. Doherr, Frankfurter Rundschou. Herr Vorsetzende, bedütet d Bildig vo nere freie Stadt Ihrer Meinig na, das d Staatsgränze am Brandeburger Tor ufboue wird? U syt Dir entschlosse, däre Tatsach mit allne Konsequänze Rächnig z trage?"

Uf das antwortet der Walter Ulbricht: "I verstah eui Frag eso, dass es Mönsche z Weschtdütschland git, wo wünsche, dass mir d Bouarbeiter vo der Houptstadt vo der DDR düe mobilisiere, um e Muur z boure, ja? Ääh mir isch nid bekannt, das e sone Absicht besteit, da sech d Bouarbeiter vo der Houptstadt houptsächlech mit em Wohnigsbou beschäftige, u ihri Arbeitschraft für das voll augnützt wird, voll ygsetzt wird. Niemer het d Absicht e Muur z boue." (Übesetzig us em Hochdütsch)

Zwöi Mönet nach dere besagte Pressekonferänz isch z Berlin am 13. Ouguscht 1961 d Muur boue worden u der Satz Niemer heig d Absicht e Muur z boue isch als Staatslüüg i d Gschicht yganbe.

Weblink[ändere | Quälltäxt bearbeite]

 Commons: Walter Ulbricht – Sammlig vo Multimediadateie