Quälltext vu Walter Buser aaluege

[[Datei:Walter Buser 1986.jpg|mini|dr Walter Buser (1986)]]
Dr '''Walter Emil Buser''' (* [[14. April]] [[1926]] z [[Lausen BL|Lause]]; † [[17. August|17. Augschte]] [[2019]];<ref>{{Webarchiv|url=https://www.tagesanzeiger.ch/schweiz/standard/frueherer-schweizer-bundeskanzler-walter-buser-gestorben/story/18332510 |wayback=20190821093203 |text=''Früherer Schweizer Bundeskanzler Walter Buser gestorben'' |archiv-bot=2019-12-05 01:14:05 InternetArchiveBot }}, Tages-Anzeiger online, 21. Augschte 2019.</ref> [[Bürgerort|haimetbrächtigt]] z [[Bättwil]] un z Lause (Ehreburger)) isch e [[Schweiz|Schwyzer]] [[Rechtswissenschaft|Rächtswisseschaftler]] un [[Beamter (Schweiz)|Beamte]] gsii. Vu 1981 bis 1991 isch er [[Bundeskanzler (Schweiz)|Bundeschanzler]] vu dr Schwyzerische Aidgnossenschaft gsii un s eerscht Mitgliid vu dr [[Sozialdemokratische Partei der Schweiz|SP]] in däm Amt.

== Lääbe ==
Dr Buser isch e Suhn vun eme Buur gsii un isch z Lause uf eme Buurehoof ufgwachse. Är isch z [[Basel|Baasel]] uf s [[Gymnasium am Münsterplatz|Humanistisch Gimnasium]] gange un het derno [[Rechtswissenschaft|Jurisprudänz]] un [[Volkswirtschaftslehre|Volkswirtschaft]] an dr Universideete [[Universität Basel|Baasel]] un [[Universität Bern|Bäärn]] studiert. Anne 1958 het er z Bäärn mit ere räächtshistorische Aarbet [[Promotion (Doktor)|promoviert]]. Scho syter anne 1950 isch dr Buser Räächtsberooter un Redakter bi sozialdemokratische Zytige gsii. Vu 1956 bis 1962 isch er Schefredakter vu dr «Sozialdemokratische Bundeshauskorrespondenz» gsii.

Anne 1965 isch dr Buser in d [[Bundesverwaltung (Schweiz)|Bundesverwaltig]] yydrätte un isch drei Johr lang Laiter vum Räächts- un Informazionsdienscht vum [[Eidgenössisches Departement des Innern|Aidgnessische Departement vum Innere]] gsii. Dr [[Bundesrat (Schweiz)|Bundesroot]] het en anne 1968 zum Vizechanzler gweelt. In däre Funkzion isch er fir Räächtsdienscht un Informazion vum dr gsamte Bundersverwaltig zueständig gsii. Anne 1977 het en d Universideet Baasel zum [[Ausserordentlicher Professor|usserordelige Brofässer]] fir [[Öffentliches Recht|effetli Räächt]] gmacht, är het do vor allem s Verwaltigsräächt vum Bund gleert.

Noch em Ruggdritt vum Bundeschanzler [[Karl Huber (Bundeskanzler)|Karl Huber]] ([[Christlichdemokratische Volkspartei|CVP]]) isch s anne 1981 in dr [[Bundesversammlung (Schweiz)|Bundesversammlig]] zuen ere Kampfwahl um sy Noofolg chuu. Doderby het si dr Buser geg dr [[Joseph Voyame]]<ref>{{HLS|13623|Joseph Voyame|Autor=François Kohler}}</ref> (CVP) un dr [[Hans-Ulrich Ernst (Militär)|Hans-Ulrich Ernst]] ([[Schweizerische Volkspartei|SVP]]) duregsetzt. Dodermit isch er dr eerscht sozialdemokratisch Bundeschanzler gsii. Dr Buser het s Amt dr gwandlete Informazionsbedirfnis aabasst, indäm er reegelmäßigi Prässekumferänze yygfiert het un d [[Schweizerische Bundeskanzlei|Bundeschkanzlei]] zuen ere Stabsstell vum Bundesroot uusgwytet het. Derzue het in syre Amtszyt di [[Elektronische Datenverarbeitung|Elektronisch Dateverarbaitig]] Yyzuug ghalte in d Bundesverwaltig. Mit em Pänsionsalter isch er anne 1991 zruggdrätte. Sy Noofolger isch dr [[François Couchepin]] ([[Freisinnig-Demokratische Partei|FDP]]) woore.<ref>[http://www.admin.ch/ch/d/bk/rundgang/kanzler/couchepin.html ''Ein Rundgang durch die Geschichte der Bundeskanzlei''], Websyte vu dr Bundeschanzlei, abgruefen am 21. Augschte 2019.</ref>

Anne 1983 isch dr Buser noch em nit erwaartete Dood vum Bundesroot [[Willi Ritschard]] as meeglige Noofolger ghandlet woore, het aber e Kandidatur abgläänt.

Dr Buser het mit syre langjehrige Frau, wu 2001 gstoorben isch, zwoo Deechtere ghaa. Di letschte Johr het er mit syre nei Partneri in ere Altersresidänz z [[Ittigen|Ittlige]] bi Bärn. Är isch im Augschte 2019 noch ere churze Chranket im Alter vu 93 Johr gstoorbe.<ref>Urs Marti: {{Webarchiv|url=https://www.nzz.ch/schweiz/ein-leben-fuer-das-bundeshaus-ld.1503305 |wayback=20190822010036 |text=''Ein Leben für das Bundeshaus.'' |archiv-bot=2019-08-29 02:13:56 InternetArchiveBot }} In: ''Neue Zürcher Zeitung'' vum 21. Augschte 2019.</ref>

== Literatur ==
* {{HLS|8048|Walter Buser|Autor=Karl Lang|Datum=2003-04-16}}

== Weblink ==
* [https://www.admin.ch/gov/de/start/bundeskanzlei/bundeskanzler/alle-bundeskanzler-liste/walter-buser.html Biografy uf dr Websyte vum Bundesroot]
* {{BAR-CH|4175}}

== Fueßnote ==
<references />

{{Navigationsleiste Schweizer Bundeskanzler}}

{{Normdaten}}

{{Übersetzungshinweis|1 = de |2 = Walter_Buser |3 =dütsch |4 = 191549415 }}

{{SORTIERUNG:Buser, Walter}}
[[Kategorie:Bundeskanzler (Schwiiz)]]
[[Kategorie:Jurist]]
[[Kategorie:Beamte (Schwiz)]]
[[Kategorie:Hochschuellehrer i de Schwiz]]
[[Kategorie:Journalist (Schwiz)]]
[[Kategorie:Zytigsjournalist]]
[[Kategorie:Chefredaktör]]
[[Kategorie:SP-Mitgliid]]
[[Kategorie:Soledurner]]
[[Kategorie:Schwiizer]]
[[Kategorie:Maa]]