Vorlage Diskussion:User admin

D Lütkombination bn- (Bnutzer) am Wortafang isch sälte oder exischtiärt gar nit. Nutzer isch besser. I hans gänderet. Wänns nit stimmt, bittschen ruckgängig mache. --Albärt 22:13, 24. Sep. 2008 (CEST)

Vo de drai (graphische) Möglichkaite, Benutzer, Binutzer oder Bnutzer wöri Bnutzer eener vorzie (e Bischbill vo Bn- isch "Pneu"), aber Benutzer isch em agmessnigste. Nutzer schiint mer nöd ganz recht z sii i de Bidütig, en Nutzer nint vor alem, wär aso en Leser, en Bnutzer git dezue au, aso e Leser und Schriiber :-). --al-Qamar 11:17, 25. Sep. 2008 (CEST)

Pneu sait so wenig ebis iber d Richtigkeit vu Bnutzer as alemannischi Wortform üs wiä Phnom Phen. Aber mit Benutzer bin i iiverstande. --Albärt 22:30, 26. Sep. 2008 (CEST)

Eigentlich simmer sowiiso alli "Bruucher", nutze dunkt mi generell nid so alemannisch ;) --Dr Umschattig red mit mir 20:16, 27. Sep. 2008 (CEST)

I han grad feschtgstellt, ass Dü, Umschattiger, in dr Vorlage:Benutzer SUL Nutzer gschriibe hesch un Dü, al-Qamar, derte Änderige gmacht hesch, ohni s Wort Nutzer z beastande.
Ich ziäg Benutzer in Bnutzer vor, wels Bn- am Wortafang halt nit git. Aber Nutzer dunkt mi schener; in dr gsprochene Sproch wird be- viilmol (nit immer!) vermiide: bezahle/zahle, bedeutsam/wichtig, beängstigend/do wirds dr Angscht, s Fahrad benutze/s Fahrad nämme, betreten/niigoh usw. "D Wikipedia benutze/nutze zum Artikel schriibe" - des benutze ka mer numme nämme, wel mers üs em Hochditsche gwehnt isch. Wämmer nit wisst, ass Benutzer s etabliärt Wort isch un e neijs miäßt finde, dät mer Schriiber, Mitarbeiter (wider wennig alemannisch), Mitschaffer (do gits Rebellion drgege), Awänder (wennigschtens vu dr Wortform här alemannisch) oder ebis sage.
Wänn Nutzer nit sii soll: Bruucher isch wenniger gängig wiä Nutzer, villicht gits noch ebis anders? --Albärt 22:32, 5. Okt. 2008 (CEST)

Ich ha bi SUL Nutzer gno, will wie dr Albärt scho dargstellt het, Benutzer eifach nid alemannisch isch, säll Wort gitts nid. Als Verkürzig zue Bnutzer erscht rächt nid. Säll isch schlächt y-alemannisiert. Dr Vorgang heisst bruuche, für das gitts uf Alemannisch e ke Substantiv sovill ich weiss. Also am ehndschte Bruucher (uff niderländisch isch es Brujker), evtl. Nutzer. Awänder findi no guet, Wikipedianer wär do au no mögli. --Dr Umschattig red mit mir 22:45, 5. Okt. 2008 (CEST) PS. Ich han bi SUL Nutzer und nid Bruucher gnoo, wills Bruucher ebbe eigentli gar nid git. --Dr Umschattig red mit mir 22:46, 5. Okt. 2008 (CEST)